金腿瑤柱蘿蔔糕 + 如意馬蹄糕 ( 2-FEB-2014 年初三 )

( 2-FEB-2014  年初三 )

今朝 8 點起身呀   好眼瞓添 ~

姑姐 姑丈 9 點幾都嚟咗酒樓喇   不過 11 點半要交枱   所以食完就上媽咪屋企坐下   再繼續傾偈 ~

Samsung 手機影出嚟嘅色真係好唔得   所以次次一用手機影相   我就好掛住 Iphone 呢   佢啲色真係靚好多囉   唔駛校任何嘢都影到好似相機一樣色  

我好鍾意姑姐嘅性格㗎   好樂天又成日笑   咁樣真係人都開心啲嘛   如果媽咪係咁就好 lu   姑姐話依家佢年紀大   每朝醒咗就當賺一日㗎喇   所以要活得開心呢 ~

姑丈仲勁   日日去游水   游冬泳添呀   不過如果太凍嘅話   表哥佢哋一定唔比佢游囉   我啲表哥又係好細心   我覺得佢仲細心過我對媽咪添呀 ~

衰里奧大人又唔記得拎罐曲奇比媽咪朋友   所以我哋就去媽咪屋企   佢自己就番屋企等我哋囉 ~

差唔多 12 點就走喇   因為我哋要去 Fat Fat 屋企拜年呢 ~

家姐啦   成日話有路就行   點知兜咗大運都搵唔到   又熱辣辣喎   我話打的   佢哋又唔比   最終都要問人啦   哈哈 ~

去到第一件事係即刻比部手機比 Fat Fat 喇   之後里奧大人就教佢用   因為我無里奧大人咁有耐性   嘻嘻 ~

之後 Fat Fat 就煮湯丸比我哋食啦   佢煮咗 2 包利川花生湯丸   但佢又唔食   所以我同家姐每人 7 粒   里奧大人就 6 粒   食完飽到呢   我覺得好似食咗一年嘅份量咁呀 ~

差唔多 3 點半就走喇   諗住食傷心酸辣粉   不過年初五先開呀   家姐勁失望   所以佢唔駛食傷心酸辣粉都好傷心   呵呵 ~  

本來想食壽司   不過無哂迴轉壽司食   得拉麵   我哋唔想食   所以轉去大家食啦   辣菜甫好味嘛   家姐一聽到辣字就好開心囉   黐線 ~

韭菜餃子 

豬油渣刀削麵 - 我同家姐 Share 食   呢間嘅辣菜甫夠哂辣   正鬼到呢

魚腐豬油渣刀削麵

食完之後   家姐番屋企   我哋就去買 HDMI 線   感恩買到呀 ~

坐小巴番屋企   抖到差唔多 7 點幾先煎糕   食完呢次之後   我真係好驚   哈哈 ~

沖完涼又睇電視劇喇   差唔多 11 點幾先瞓   聽朝仲要 6 點起身添 ~