嘉華大酒樓 @ 官塘 ( 10-APR-2014 )

脆奶京都骨

白灼蝦

東江沙薑雞 (半隻)

雙丸雜菜煲

( 10-APR-2014  THU )

今朝里奧大人要喺公司見客   所以早咗 15 分鐘起身   不過到我起身嘅時候   佢仲喺屋企   咁我都快快手沖涼洗頭   之後一齊出門口呢 ~

今朝早咗 10 分鐘出門口   本來諗住食米餐   不過餐廳好焗   食芝腿治烘底算喇   打機嘅時候又見到渠王   咁就傾下偈啦   等佢食埋就一齊番菇場 ~ 

菇場唔忙   所以 Hea 住過 ~

Lunch Time 一定要出去行   因為有陽光呀   咁但又未餓   所以去睇下衫   買咗 2 件 One Piece   最搞笑個老闆話我唔肥   我已經覺得佢假   之後比件衫我試   嗰件衫根本係超大件   大肥婆都着到   咁我實鬆㗎啦   唔鬆就死得   同埋我心諗   又話我唔肥   做咩比咁鬼大件我試喎   之後我試着   佢話我瘦添呀   我真係笑住話   妳話我唔肥都算   仲話我瘦   妳都好假呀下 ~

想食濕嘢   所以去食韭菜餃麵   之後又再行下先番菇場呢 ~

晏晝所有大粒都唔喺度   勁爽啦   雖然佢哋無咩嘢   但佢哋都會行嚟行去家嘛   點都有啲壓力上網   同埋有時睇到入哂神   原來佢已經喺妳後面行過   咁就衰咗喇 ~

今晚同媽咪 家姐去嘉華食飯   估唔到家姐塞車   不過好感恩   7 點都到咗酒樓呢 ~

依家次次番媽咪屋企   都要幫家姐買呢 3 樣嘢   指定動作   哈哈       

食呀食   之後媽咪同工人上屋企先   我同家姐繼續食繼續傾   差唔多 8 點 15 分就番媽咪屋企   坐多陣就走喇 ~

里奧大人今晚 8 點已經番到屋企 lu   不過食完又要繼續做嘢囉 ~     

我番到屋企都即沖涼   之後休息睇 "心計" ~

呢晚 11 點 15 分瞓覺   最好係呢啲時間瞓   唔會太早又唔會太夜   哈哈 ~