雪菜鵝肉燜米 + 油麥菜 ( 15-MAR-2015 )

( 15-MAR-2015  SUN )

今朝 8 點半起身喇   食埋早餐就番屋企抖陣   之後番主日學喇 ~

崇拜完畢又番屋企抖抖   今日行遠少少去興記食 Lunch   估唔到同喺牛下食嘅味道係一樣   咁第時可以多個選擇   哈哈 ~ 

番到屋企又開機洗衫   天氣勁潮濕   又飽喎   所以個人勁攰   但又唔想瞓   咁就熨衫喇 ~

6 點開始煮嘢   7 點 15 分先有得食   仲諗住會好快添   不過我都未餓   所以食菜同少少米粉就算 lu ~

是日晚餐 - 雪菜鵝肉燜米 + 油麥菜 

雪菜鵝肉燜米 - 尋晚食剩 2/3 隻鵝   所以我拎走囉   將啲肉拆絲   咁啲骨就用嚟熬湯   咁等個米粉無咁乾呢 ~  

油麥菜 - 同里奧大人講話因為雪菜鹹   所以油麥菜就唔落任何嘢   之後里奧大人好認真話因為要一清一濃   我話係呀係呀   其實我勁想笑   覺得自己懶就懶啦   又講到懶好咁   哈哈 ~

搞掂哂就抖陣   8 點 40 分一齊出去徑步 ~

依家想行多啲斜路同埋樓梯   所以如果同里奧大人一齊去徑步   我哋會徑 2 個圈 + 2 次晨運徑   咁都起碼要 40 分鐘   最正係出汗嘛   如果夏天咁行   出得更多汗   咁仲更加正呢 ~

徑完就去買電熱水壺   之後番屋企即沖涼   估唔到之後好精神   但就唔係話今晚瞓唔到嗰隻喎   都唔識點講   但嗰種感覺係非常之正囉 ~

食埋生果   今晚好開心   呢個星期終於食咗 2/3 生果   仲有 1/3 未食   因為我買完媽咪又無啦啦買比我   所以堆到成雪櫃都係生果   我 2 月尾買嘅生果   到今日先食得哂咋 ~   

抖多陣   11 點幾就瞓 lu ~