海港酒家 @ 將軍澳 ( 27-MAR-2015 )

上湯焗本地龍蝦 (伊麵底) + 雲腿花膠律白煲 ($198) - 又抵喎   因為份量好多   我哋都食唔哂   留咗 1/3 比家姐工人做晚餐

紅炆龍躉斑翅 - 又係食唔哂   又留比家姐工人做晚餐   因為佢都鍾意食魚

乳豬拚燒鵝

( 27-MAR-2015  FRI )

家姐今日仍都係放假   所以我之前拎定假   今日去覆診呢   順便陪媽咪食嘢 ~

今朝同平時一樣 7 點半起身   同里奧大人一齊出門口   之後我去食早餐   8 點半就番屋企沖涼就出門口 lu ~

搭地鐵去尖沙咀   Book 咗 10 點覆診   但我 9 點 40 分去到診所門口   已經有 3 個人排隊喇 ~

姑娘 10 點番到嚟   仲諗住好快有得睇添   不過今朝醫生要執仔   所以 11 點先番到診所呀 ~

我係第 3 個睇   不過醫生都好好   唔會因為遲咗 1 個鐘   就敷衍答我   今次個報告仲喜出望外   連醫生個表情都覺得好驚訝   哈哈   真係好感謝好感謝神嘅保守   由我上次覆診到依家   我就驚到咗咁耐   終於鬆咗啖氣喇   感恩感恩 ~

11 點 40 分睇完   媽咪家姐佢哋已經到咗 APM 喇   所以我即飛去搭地鐵喇 ~

Executive Lunch Set for Two - 越式蔗蝦 / 牛油果蟹肉米紙卷 + 越南咖哩牛筋腩 (絲苗白飯 2 碗) + 三味魚柳 + 蒜茸炒通菜 + 是日甜品   呢 Set 係 $20 4咋   咁又抵喎   

個汁超勁甜

青木瓜沙律牛肉 - 好鬼辣呀   之前食好好味㗎喎   

越南春卷

香蔥蒜蓉包

食完就陪媽咪去一田超市買嘢   再去 Das Gute 買麻糬同麥芽黑包    原來都已經 2 點幾   送埋媽咪同工人番屋企就去拜爸爸 lu   今日係平日   可以揸車上去   但估唔到都幾多人   等番 1 個泊車位咋 ~

搞掂哂都 3 點幾   咁家姐同姐夫去廁所   我話我祈完禱就去搵佢哋   行行下開始驚驚哋   因為家姐無拎手機   之後好在記得姐夫有拎手機咋   同埋最好彩係我記得點行   之後家姐同我講話佢都驚我搵唔到   佢又無帶手機   哈哈   同我諗嘅嘢一樣   我同佢講   "最壞打算   我落去搵妳"   大吉利是咩   哈哈哈哈 ~ 

咁我都去家姐屋企抖下喇   因為一陣夜晚又同媽咪去海港食飯呢 ~

今日可以放肆食薯片   因為里奧大人唔喺度   咁家姐又話想一齊食   咁就食啦 ~ 

最愛藍天白雲

B 頭沖緊涼   香噴噴勁吸引

我覺得麥包個樣無咁肉酸   哈哈

B 頭同 B 仔好鍾意黐埋一堆

好想瞓咁

B 仔   個樣勁麻甩   但又好嗲嘅樣 

成個身放軟哂落工人度呀   勁嘆

隻隻都好攰咁噃

依家玩緊 Pokopoko   但成鬼日過唔到關   咁家姐工人都有玩   所以叫佢幫我過關   過咗關先可以做嘢呀   哈哈   不過佢都係過唔到   咁家姐幫我過啦   比佢求求其其是是但但又過到   之得一早比佢玩啦   哈哈 ~

差唔多 5 點 45 分去接媽咪一齊去海港食飯   今日全日係食食食咁 ~

因為家姐知我勁想食斑翅   所以嚟海港   同埋好難得平日車媽咪去海港食飯呢 ~

食到 8 點幾   我要去買夾糖   買完就走喇 ~

媽咪又買咗好多生果比我   但我都堅持去買出前一丁   哈哈   本來諗住買 20 包   但無手拎   索性買一箱算喇   唔好煩 ~

里奧大人 8 點半番到屋企   等佢食埋嘢   抖到 9 點半就一齊去徑步喇 ~

好耐無徑步   真係無諗過依家咁鍾意運動   以前真係覺得徑步好痛苦   成日倒數時間   依家徑半個鐘唔係多   但起碼個心就成日想徑步囉   真係一件好事嚟㗎   哈哈 ~

沖埋涼就食生果睇電視   又係 12 點先瞓   好在聽日 Off 可以自然醒呢 ~    

日本甜皇士多啤梨 (2 Pack $168)   但唔甜嘅