愉景灣 -> 梅窩 + Cafeholic @ 東涌 (Part 1/3) ( 28-MAR-2015 )

( 28-MAR-2015  SAT )

今朝 8 點幾都醒醒哋   但懶床都 9 點半都起身喇 ~  

落去食早餐   番到屋企就沖涼   抖陣就去青衣行山 ~

不過里奧大人後尾上網搵到由愉景灣行去梅窩   話好似唔錯   又唔難行   所以最後決定去梅窩喇 ~

搭 619 再搭 603 去中環碼頭   12 點 20 分去到碼頭   咁啱船開 12 點半   所以就去愉景灣喇   其實我地仲有個選擇   就係由梅窩去愉景灣   路程都係一樣   只係由梅窩去愉景灣一個要上   "天國的階梯"   咁愉景灣去梅窩就落 "天國的階梯" 咁呢   但就要去到碼頭睇下邊度有船先囉 ~

船飛要 $40   我覺得好貴呀   哈哈   去長洲都好似係 $2x 之嘛 ~

架船都無咩人坐   所以真係準時 12 點半開船   12 點 55 分到愉景灣喇   勁快 ~

實在太感恩喇   12 點半開船

船到喇

好多獨立屋   唔知係邊呢 ?!

啲屋好靚呀

又唔多似住宅咁噃  

落船   其實無咩人去愉景灣    

到愉景灣喇 

咁兜一個圈睇下有咩好食   最後都係去番 Ebeneezer's   哈哈 ~  

好舒服呀



搵食先

燒雞肉沙律

咖哩魚肉炒飯配沙律

個 Waiter 問要唔要 Spicy ?!   我話要   點知辣到顛咗   哈哈

芒果奶昔 - "杰撻撻"  好香芒果味

2 點 15 分開始行   里奧大人頭先上網睇咗點行   諗住跟人行   但行行下又唔似係去梅窩方向   所以問個 Secutity   佢教我哋點行   真係唔係佢教   完全無諗過係呢個方向   哈哈   因為無人行去嗰個方向嘛 ~

我其實好驚海

開始行喇

最緊要有大樹遮蔭

隻狗好靚呀 

佢哋地唔知去邊度呢 ?!

上網話沿住海灘行

好喇   又行喇   又開始覺得唔對路   咁里奧大人問個伯伯點行 ?!   伯伯教完我哋點行   我哋自己行啦   點知行行下好似走咗啲私人地方咁   因而完全無指示   所以真係好難搵   里奧大人諗住打道回府㗎喇   點知行番出去又見到頭先位伯伯   佢話我哋咁行係啱㗎   再教我哋點點點點行   咁後尾見到有人行   咁就無咁擔心喇   哈哈 ~   

終於見到指示牌喇

因為見到有人晾衫   所以驚行咗入去啲私人地方   同埋覺得呢啲地方實有人養狗   一陣樸出來就嚇死我都似



綠色邊  好似西瓜皮   哈哈

我覺得好恐怖

繼續行 

指示非常非常非常之清晰   好在我哋正想放棄嘅時候   見番頭先教我哋行嘅伯伯呀   感恩感恩

2 點 50 分喇   都唔知幾時先行到去梅窩   又曬喎  
 
          

真係一不留神   就望唔到咗呢個指示牌呢  

行呀行   其實我件衫已經濕哂 

呢日未完㗎 ^^