板長壽司 @ 將軍澳 ( 16-MAR-2015 )

飛魚子軍艦 / 珍味廣島蠔壽司 - 好耐無去板長   今次好有驚喜   紫菜好新鮮   啲飯又係好新鮮同埋有醋味

蟹捧壽司 / 一口帆立貝壽司 / 三文魚壽司

蝦天婦羅壽司

劍魚腩壽司 - 好耐無食   好味呀

安康魚肝軍艦 - 又係好耐無食   諗住食 2 件   但得番 1 件咋

( 16-MAR-2015  MON )

真係勁勁勁勁潮濕呀   啲霧遮咗半棟大廈   我覺得無風先最攞命囉 ~

早餐食醬占多   即刻諗起里奧大人姐夫   話說水姑話自己整醬占包   一樽花生醬同占有排食   但姐夫話唔係囉   水姑話點會呀 ?!   終於有一日明白佢老公點解會咁講   因為佢搽醬同占嘅份量係同麵包一樣厚度   麵包最薄都有 1cm   咁即係醬占包變咗 3cm 啦   里奧大人都親眼見過佢咁搽花生醬㗎   有次直頭話見佢 "北" 花生醬食添呀   我覺得好黐線囉   好滯家嘛 ~

喺菇場做埋 Report 就寫 Blog   寫咗陣又有嘢做 ~

雖然有 Lunch Box   不過又唔係咁想食   所以食得超勁慢   哈哈 ~

做到 3 點就搞掂哂   又寫 Blog 整下相   時間過得勁快   眨下眼就放工 lu ~

今日里奧大人 3 點去石門見客   所以 5 點半番到九龍灣   咁我好感恩 5 點 45 分到大家樂   可以陪佢食 Tea   我問佢係咪去完大陸之後   有咗不停食嘢嘅習慣呀   佢話因為頭先趕住番公司整嘢   所以 Lunch 食咗好小嘢   咁咪食 Tea 囉 ~

番到屋企抖陣   7 點去旅行社拎資料   之後去將軍澳有嘢搞   順便食埋嘢喇 ~

今晚食嘢嘅時候   坐喺我隔離嘅一家四口真係好經典   一坐低爸爸就拎就 Tab 帶住 Earphone 睇戲   兩個仔就玩手機   阿媽就睇 Menu   最奇怪係各自睇各自叫囉   咁 Ipad 可以加數量係好方便   但點解唔一齊睇一齊叫呢 ?!   到食物上枱   佢哋都係一路睇一路食   無講嘢㗎   咁一齊食飯真係好無意思囉 ~   

搞掂哂都 11 點   番到屋企即沖涼喇   睇多陣電話都 12 點幾   要瞓喇 ~