上海婆婆 @ 九龍灣 ( 12-AUG-2016 )

上海酸辣湯

蔥花家常薄餅

椰菜回鍋肉

 上海粗炒

糖醋魚塊

乾扁四季豆

( 12-AUG-2016  FRI )

又星期五喇   我上星期同里奧大人講話今星期番五日   佢好愕然問點解   我話第 3 個星期係我 Off 嘛   之後佢話今個星期係 2 個星期咋喎   真係好彩佢講咋   唔係我真係會 Off 㗎 ~

好想食蛋   所以食奄列呢 ~

菇場唔忙   可以抖下 ~

今日有 Lunch Box   食完即出去惠康買金紡   以為今日係 92 折   原來記錯   但今日百佳就真係 有 92 折   所以我買咗 8 支參蜜比里奧大人算喇   $8.8/2支算抵㗎喇   士多都要 $5/支呢 ~

仍然 Hea 到放工   咁真係要去 Taste 買嘢喇   買咗 3 支金紡比家姐   自己就買 2 條 Tempo 廁紙   過咗一百蚊就走人   因為今日買啲嘢唔係重就大件   唔想再買咁多嘢   好難拎呢 ~

里奧大人 6 點半放工   番到屋企一齊等埋姑奶先落去食嘢   等呀等   等到 7 點 45 分打比姑奶   佢話去緊睇跌打   又唔講大約幾點睇完   仲要唔知佢係 Walk-in 等   定係已經 Book 咗喎   即係我哋無了期咁等   真係好煩   之後我哋 8 點落去上海婆婆食嘢先   終於佢 8 點 35 分先嚟到   好在無等佢 ~

食完即番屋企沖涼喇   好鬼攰   佢地就上網買嘢 ~

佢買睡眠窒息機   佢就咁放低張 List 比里奧大人就話走   里奧大人話點知妳想買咩呀 ?!   佢都係第一次上網買   好多資料要登記家嘛   之後里奧大人同我講話姑奶做人真係好不負責任   點可能叫人買嘢就咁掉低就走㗎 ~   

咁里奧大人幫手上網登記   見到可以 Chat for Pricing   唔怪得一個價錢可以相差 USD20 啦   之後佢叫里奧大人傾價   里奧大人話佢係第 3 者   應該姐夫自己同佢傾   一陣問好多嘢又唔清楚   咁仲煩啦   但姑奶話咁唔好傾價喇   叫里奧大人直接買算喇   咁無所謂   又唔係我啲錢   最緊要佢哋快啲搞掂   其實本身上網買真係好方便   但原來有啲配件係有幾種   佢哋又唔去 Showroom 試   依家姑奶都係態睇相覺得好唔好㗎咋   佢仲叫我幫手揀   我話果個係妳老公   妳了解佢多啲喎   妳自己同佢揀番啦 ~

之前佢老公叫里奧大人買 4 個 Power Bank   真係神經病   想一次開哂   自殺式引爆呀 ?!   同埋 Power Bank 係唔可以寄艙㗎   唔該叫人買嘢之前 Check 哂所有嘢先啦   同埋 7 月已經買咗 2 個比佢啦   衰晴晴一見到有新就即掉咗個舊   但個舊係無壞㗎   嗰時里奧大人仲特登買個二百幾蚊比佢哋用添   依家覺得佢哋真係好浪費   咁佢姐夫嗰個舊嘅就因為比咗姑奶上機用   因為佢電話無電   無得聽歌   呢下我仲更加火   臨走前一晚應該叉定哂所有電啦   我同里奧大人去旅行前   一定叉哂相機手機電㗎 ~

搞到差唔多 11 點半   佢哋落去食甜品   里奧大人又無帶鎖匙   所以我要成 12 點幾先瞓 ~