咖哩魚蛋魷魚 + 豉汁蒸鯧魚 + 節瓜紅衫魚湯 ( 10-MAR-2017 )

( 10-MAR-2017  FRI )

仍然係潮潮濕濕咁嘅天氣   令人好鬼攰呢 ~

早餐食奶醬多   之前家姐話買咗樽花生醬  問我要唔要啲 ?!   我話唔要啦   早餐成日都奶醬多   假期真係唔想再食啦   哈哈 ~



菇場唔太忙   咁就好喇 ~

今朝換新電腦 Mon   真係頂唔順個 Mon 睇嘢係黑沉沉咁   同埋我見菇場好多係壞 Mon   斷估唔會比個壞 Mon 我嘛   所以我先同 Admin 同事講話要換 Mon   感恩有新 Mon 喺度   可以即換呢 ~

無啦啦好餓   所以 Lunch Time 一到就即飛去買酸辣米線喇   估唔到堂食無咩人   可能落毛毛雨   啲人個個叫外賣呢   我就鍾意自己買外賣   始終係湯粉類嘛   我好怕啲粉會索哂啲湯囉   之後啲粉又腍哂   諗起都難食呀   哈哈 ~

仍然 Hea 過   爽呀 ~

里奧大人 3 點喺九龍灣見客   見完仲有時間剪埋頭髮   咁我仲可以 Join 埋佢一齊坐巴士番屋企   去埋萬寧買染髮劑就番屋企喇 ~

佢番到屋企就沖涼染髮   我講明唔幫到佢㗎   因為我要煮飯 ~

諗住啲餸都係蒸   估唔到搞掂都成 7 點半   之得唔炒飯啦   唔係可以早啲食   哈哈 ~

是日懶餐 - 咖哩魚蛋魷魚 + 豉汁蒸鯧魚 + 節瓜紅衫魚湯

咖哩魚蛋魷魚 - 尋晚整定   但覺得無咩味   所以今晚再用爆香蒜蓉   再加多湯匙沙爹醬   雖然無咩汁   但估唔到都好好味呀   下次要再整 ~

豉汁蒸鯧魚 - 呢條係 $35   我覺得算抵   都幾厚肉嘛 ~

節瓜紅衫魚湯 - 買咗一份 $15 嘅紅衫魚仔   魚佬話我幫佢買咗條鯧魚   所以幫我劏埋啲紅衫魚   如果齋買紅衫魚就唔劏㗎喇   咁下次都咁買 lu   因為我真係好驚清理啲魚呢 ~

搞掂哂就沖涼   好鬼攰呀   家務都無做呀   呢啲天氣真係令到我唔想郁囉 ~

睇多陣電視   11 點幾都瞓喇   勁有睡意   哈哈 ~