Tasty Fabio @ 官塘 ( 13-MAR-2017 )

挪威煙三文魚薄餅 7吋厚批 ($88) - 如果有薄批就好啦   估唔到煙三文魚份量都多   起碼每件批都有 1 塊煙三文魚   



批底都 OK   勁驚好厚嗰啲   但都係好飽肚   哈哈     



Set Dinner $168
蕃茄他他多士 - 多士脆卜卜 

田園沙律 - 我要黑醋汁   醒胃啲嘛      



餐湯 - 應該係蘑菇湯   我食到好似有蟹肉   因為口感係一絲絲   呢個湯都好有驚喜      



燒 8 安士紐西蘭西冷 - 燒到外面脆脆地好味呀   今次 7 成熟   里奧大人成日笑我話要 9 成   我話好怕生勾勾感覺嘛   但下次都係 9 成好啲   哈哈   



我勁鍾意食筋   所以里奧大人同家姐次次食牛扒   都會睇咗啲筋喺邊個位置   切咗比我食先㗎   因為如果佢哋食咗   我唔比佢地吐出來㗎   要咬到吞落肚到為止   鬼叫我無得食   哈哈

意式奶凍 - 都好味   不過我好怕奶類制品   我驚食到皮膚敏感呀



( 13-MAR-2017  MON )

尋晚瞓瞓下熱醒   好記得醒之前個夢係同里奧大人同阿 mi 一齊行山   又熱又曬   我仲成日用手遮住塊臉嚟行   因為無搽防曬   但我事實真係好耐無搽防曬   唔通個夢要暗示我要搽番防曬 ?!   哈哈哈哈 ~

今朝濕度 99%   真係人都顛 ~

早餐食熱狗   今次真係要飲杯熱啡喇   呢啲天氣   令人好鬼悶   好鬼眼瞓 ~



菇場唔太忙   有嘢做都慢 9 拍咁囉   哈哈 ~

Lunch Time 出去食   食完行下   難得見到小小光猛 ~



今日惠康有 92 折   咁又睇下嘢   居然比我見到 Tempo $69.9/2 條   再加埋 92 折就抵喇   所以幫家姐買咗 4 條   原來咁鬼重   尋日里奧大人拎住 2 條廁紙話好輕家嘛   嗚嗚 ~

仍然 Hea 到放工   爽呀 ~

放工即走   番到屋企即拖地   真係拖極都立立哋咁   潮濕天氣快啲過啦 ~

里奧大人 6 點半放工   咁今晚要去駱駝漆大廈拎淘寶嘢   所以去埋果度食嘢喇 ~

食完先去拎   真係好彩我去幫手拎咋   唔係都幾麻煩   啲嘢唔係重   但唔好拎囉 ~



番到屋企即拆箱   搞掂哂就沖涼   諗住熨衫   但好攰   留番聽晚先熨 ~

睇埋電視   11 點都瞓喇 ~