粟米蛋花湯 ( 14-MAR-2017 )

( 14-MAR-2017  TUE )

仍然潮濕天氣   想精神都難 ~

早餐食蛋治   諗住食嘅時候   家姐就打嚟傾偈   傾到 8 卦嚟埋就唔傾喇   費事佢偷聽   哈哈 ~



菇場唔忙   無咩點郁   所以好鬼凍 ~

本來諗住食麥皮   但菇場真係超級凍   所以真係要食熱嘢暖身   咁去買酸辣米線啦   點知一出門口凍到呢   無諗過突然間咁凍囉   諗住今晚先凍家嘛   唉 ~



無驚無險又放工   今晚里奧大人去姑奶屋企食飯同瞓覺   我可以放慢腳步做嘢 lu ~

番到屋企熨 3 機衫   再抹下嘢   搞掂哂就沖涼   差唔多 8 點先煮粟米湯   其實仲未餓   但點都要食啲嘢嘛 ~

咁睇下電視又聽下歌   無啦啦里奧大人又番嚟   不過我無問佢做咩番嚟   鍾意點就點啦   我好攰   唔想理咁多嘢 ~

之後佢話姑奶叫我星期四番去食飯   煲牛肉湯比我補喎   我話: 哦   唔好諗住我會好感動囉   係煲到先算啦   我成日覺得   唔好成日強調對我絕世好好咁啦   對我好嘅人真係好多   但我都唔會成日提啦   唔該 ~

佢哋一家人都有個弊病   就係好鍾意自己人讚自己人   話自己老公車阿媽番屋企   對阿媽真係好好   都黐上腦   妳阿媽山長水遠入嚟大埔   妳車番佢出九龍係最正常不過啦   有幾好呀 ?!   我覺得妳哋平時唔車妳媽番屋企先衰格呀   有車都唔送   自己阿媽嚟㗎   咁都計較 ~

今晚又係好凍咁   所以睇多陣電視   11 點唔夠都瞓喇 ~