壽司盛合 @ 九龍灣 ( 16-AUG-2017 )

壽司飯好乾呀   可能夜啩   食完呢次   堅唔想再食壽司住   哈哈  



( 16-AUG-2017  WED )

尋晚發惡夢   仲喊醒咗   之後好在都好快瞓番咋 ~

今朝勁想食沙爹牛肉麵   好在 8 卦喺度   我比咗半碗佢   同埋我又走包   咁嘅早餐份量就最好   始終我 12 點半食 Lunch   早餐真係唔可以太飽呢 ~



菇場唔太忙   咁繼續 Load 相   所以對眼好攰呀 ~

Lunch time 真係要出去行下   比自己對眼睛抖下   哈哈   諗住食粉果   不過賣哂   咁去買魚柳包啦   酸酸咪咪好味㗎 ~



仍然 Hea 住等放工   個 8 卦係咁講眼瞓   講到我都眼瞓   又要我搵嘢講   大佬   Load 相唔想講嘢嘛 ~

放工即走   今晚要去 mega BOX 嘅 AEON 買青檸味 100 Plus 呀   因為只係 $3/支咋   好在阿 Mi 今日 Line 我知咋   唔係我買唔到筍嘢咯 ~

去到即搵啦   得番 1 支   都照殺啦   但唔忿氣   再行多個圈都見唔到   咁山長水遠嚟度   我唔會放棄住   咁我拎住支 100 Plus 問個搬貨 Staff 啦   佢話 Cashier 前面有呀   嗰下我勁開心   但我頭先就喺 Cashier 位置入嚟   都唔發覺有喎   所以真係無諗過會擺喺 Cashier 面前囉   一見到得番 2x 支咋   我就拎咗 16 支先   擺 10 支喺環保袋   試拎重唔重   咁又 OK 喎   所以最後買夠 20 支   博條老命也   哈哈 ~

番到屋企磅下呢 20 支有幾重   原來有成 10.7 Kgs 㗎   即係有成 23.5 磅   咁我覺得自己都幾勁   哈哈      



咁拎嘢一定要有力   咁順便買盒壽司   食埋先走   咁頭先入嚟嘅時候   其實我都睇定食壽司咩   但當然係睇有無 100 Plus 先決定食唔食囉   無得買就唔食㗎喇   咁睇嘅時候係 $49.8   點知買嘅時候轉咗做特價   只係 $42 咋   好感恩呀   慳到 8 蚊雞   呵呵 ~

食完就去換積分禮品   芝士餅一包也   之後搭小巴番屋企   番到屋企都差唔多 7 點 lu   換番對波鞋就出去徑步   今日食咗好多澱粉質   所以點攰都要徑步呢 ~

徑 25 分鐘   因為其實真係有啲攰   想快啲番屋企沖涼休息呀 ~

沖埋涼就開冷氣   之後真係要抖下喇   感覺到對手仲係震緊   哈哈   但真係好抵嘛   唔買唔得囉 ~

睇下電視   又同冰姑傾下偈   傾到 11 點半都瞓喇 ~