咖哩雞螺絲粉 ( 8-AUG-2017 )

( 8-AUG-2017  TUE )

里奧大人今朝番大陸   鬧鐘響咗之後   我都即刻瞓番喇   好勀呀 ~

雖然尋晚早瞓   但今朝都夠精神   不過仲係頭重重咁囉   唉 ~

早餐食蛋牛治   無啦啦又想食蛋   咁食食下見到有個男人濕哂身咁入嚟   我仲以為比人整濕咗個身   之後 8 卦嚟到   話好大雨呀   真係唔講都唔知呢   哈哈 ~

菇場忙呀   難得西瓜唔喺度   點知忙到 Lunch Time ~

又未餓喎   咁就慢慢行下先啦   之後食粥   食完再行陣就番菇場喇 ~



今日我忙 8 卦又忙   但佢又同我傾傾傾   話佢地有份 Report 要做   阿蟲就負責對嘅   咁西瓜都會睇   因為乜叉佢都要理   咁 8 卦知道有啲嘢錯咗   咁咪改完 Send 出去囉   之後阿蟲見到個 Email 就同 8 卦講話: 你知喇可 ?!   嘩   真係超級賤囉   明知人哋錯都唔同人講   等人 Send 出去先講   明知西瓜會睇到   好在 8 卦有改番啱啫   唔係又喺度篤人背脊   死蟲之前咪咁對我囉   同西瓜講話我做嘅 Report 錯咗幾次   咁西瓜問佢有無同我講番點做 ?!   死蟲話唔會講㗎   所以西瓜話咁妳唔好再同我講話人哋錯   西瓜咁答崶似番個人喇   到依家我都唔知自己錯邊㗎喎   因為我不嬲都係照番以前咁做   我同 8 卦都無諗個阿蟲係咁賤   因為佢個樣唔似咁賤囉 ~

之後佢又話佢雖然樣衰同惡   但其實佢好有愛心喎   咁我話我係咪似斯文敗類嗰啲 ?!   佢話係   哈哈哈哈 ~  

仍然忙下停下   所以好快就放工 lu ~

放工番屋企   煲水嘅時候就抹櫃同拖地   搞掂哂就煮嘢食喇 ~

是日懶餐  - 咖哩雞螺絲粉

咖哩雞螺絲粉 - 星期日食剩咗啲咖哩雞   咁食埋去啦   煮啲螺絲粉同加個西蘭花   咁就一餐   勁方便   又好味   呵呵 ~

食完抖陣就沖涼喇   里奧大人差唔多 9 點先番到屋企   好在佢食埋嘢先番嚟   咁我可以休息 ~

佢開埋機洗衫又睇下書   依家部洗衣機真係唔錯   唔駛成日等夠一機衫先洗   半機衫都只係洗 30 分鐘   唔會話用一機衫嘅時間去洗   咁樣慳好番好多電貴水費㗎   我覺得 ~

咁好想食豬肉乾   咁食啦   食完無耐好似想胃酸倒胃咁   勁驚囉   所以抖到 10 點半先敢瞓覺 ~