短宣 + 豆漿大王 @ 九龍灣 ( 13-JAN-2019 )

餈飯 ($15)

上海排骨麵 ($34)

酸辣餃子麵 ($38)

酥炸雲吞 ($20) - 好想食炸嘢   但食咗 1 隻已經好後悔 order   因為食麵已經好飽 @@

( 13-JAN-2019  SUN )

今朝 7 點 15 分起身   感恩一覺瞓天光 ~

8 點出發去食早餐   9 點左右就去到聚會嘅地方 ~

里奧大人今日有新嘅事奉崗位   感恩神喺當中嘅保守帶領   我仍睇到里奧大人不斷嘅練習   期望下次我同里奧大人都有事奉崗位   可以尊一尊心去事奉神呢 ~

散會之後   牧師同里奧大人 & 弟兄 ML 去家訪   其餘就留低同其他弟兄姊妹交談同弟享  ~

我地今日喺聚會嘅地方同弟兄姊妹一齊食飯   未夠 12 點就開餐喇   牧師佢地就 12 點幾番到嚟   總共有 6 圍枱呀 ~

差唔多 1 點就起行番香港喇   一大班弟兄姊妹一齊唱歌送我地走   拚命揮手同我地拜拜   佢哋嘅熱情令我哋好感動好感動 ~

今次團隊唔多人   但感恩神嘅保守帶領   每個過程都非常順利   超乎我地各人所想的   求神繼續大大使用我同里奧大人呢 ~

2 點半有個 Break   牧師話佢剛剛進入睡眠狀態又要起身   哈哈哈哈   我都係咁呀 ~

里奧大人話我一見到買嘢嘅地方就會即刻醒哂   咁弟兄 A 買咗酸辣粉   我又買   之後牧師同弟兄 ML 又買   咁我就再買咗薯片同 8 筒喉糖   佢地覺得我好誇張   我話係預咗一陣上車大家食一齊呢 ~

圍埋一齊食嘢嘅時候   里奧大人話做咩買咁多   我話想試紫色果個老坑酸菜   佢之後話係老壇呀   笑到佢哋痴咗   弟兄 A 話唔緊要   只係呢度講好喇   哈哈

之前喺惠州買咗 4 筒   只係 RMB2/筒   但加油站就一定貴啲㗎喇   1 筒要 RMB3   不過我都想買囉   呢期口味轉哂   想食酸甜嘅糖   唔想食薄荷   所以依家將薄荷糖比哂里奧大人食

5 點半到落馬洲   之後齊齊搭火車同地鐵   我同弟兄 ML 兩公婆就喺九龍灣落車 ~

去到九龍灣已經 7 點   里奧大人話想去銀咖哩   但我話食咗 3 餐飯   想食濕嘢呀   所以去食上海麵 ~

食完即番屋企喇   第一時間開機洗衫   沖埋涼就休息 ~

今晚里奧大人 10 點都瞓覺   我就 10 點半都瞓覺喇 ~