King Ludwig Beerhall @ 尖沙咀 + 小方塘 @ 九龍灣 ( 8-JAN-2019 )

新鮮農夫包配牛仔肝醬及香草芝士醬 ($50) - 好味呀

脆皮燒豬肘配酸椰菜及燒薯 ($240) - 我同里奧大人都覺得無以前咁好食了

Maisel's Weisse (Germeny) ($68/Happy Hour) - 里奧大人一定要飲啤酒   驚熱氣喎

職員會將隻豬肘切開   咁樣食方便好多

香燒德國排骨配蒜片辣椒 ($225) - 無咩特別   只係晴晴想食

@小方糖
龍珠 (椰汁沙冰 + 珍珠 + 新鮮龍眼肉 + 椰果) ($36) - 我同晴晴 Share   條友仔又係食剩一大半   我又開始咳得犀利喎   最終里奧大人幫手食哂去

芒果樂園 (牛乳布甸 + 芒果粿子心 + 芒果雪糕 + 芒果汁 + 水晶珠 + 椰果) ($38) - 里奧大人鍾意食芒果嘢

( 8-JAN-2019  TUE )

一覺瞓足 9 個半鐘都係攰喎   大回南天氣真係好麻煩 ~

早餐食腿蛋治   衰 8 卦一見到就話唔驚滯咩 ?!   因為我成日話食蛋好滯   哈哈 ~

菇場唔太忙   做埋啲嘢就可以 Load 相   難得所有大粒唔喺度嘛 ~

Lunch Time 出去行陣   差唔多 1 點先去買嘢食番菇場 ~

仍然 Load 相   搞掂哂就做 Report   終於搞掂哂 ~

放工搭地鐵去尖沙咀   今晚約咗晴晴食飯 ~

佢今次都好有心   特登約我哋出嚟食飯   感覺真係大個女了 ~

我去餐廳先嘛   晴晴差唔多 7 點先到   無耐里奧大人都到埋 ~

好鍾意啲啤酒杯   就咁睇已經好開心

有 Live Band

里奧大人都未坐低   晴晴就比錢我同里奧大人   我好奇怪   以為佢想比定食飯錢   但又唔需要兩個都比吖   之後話佢講過出咗糧就會比錢我哋   上兩次我哋已經唔要   所以今次一定要比到我哋為止 ~

但我係都話唔要   我話留番佢自己用啦   佢又強調我哋係佢嘅 Half of Daddy 同 Mommy   同埋已經留筆錢比我哋   佢夠駛喎   所以一定要我哋要   咁好啦   我話幫佢儲住   唔會用㗎 ~

一路食一路傾佢依家生活點樣 ?!   工作點樣 ?!   佢所講嘅嘢   完完全全係個大人咁呀   哈哈 ~

即刻諗番佢細細個嘅時候   成日痴住我   我食咩佢又食咩   依家就變得好獨立了 ~

仲話想跳出 Comfort Zone   咁工作先有挑戰   呢樣我都認同   始終襯後生見多啲世面   學到嘅智識又係自己   所以有時條路太順   個人真係會有惰性囉 ~

食完都 9 點   但餐廳好嘈   所以轉場去九龍灣食糖水再傾 ~

晴晴係都要請食飯   但我哋話唔要囉   唔想佢用咁多錢   所以呢餐係父父請食飯 ~

一齊搭巴士去九龍灣   佢同我坐   傾咗好多佢自己嘅嘢   有佢自己嘅想法   希望佢成功啦 ~

咁我同晴晴講   叫佢有錢都要留番   同埋要好好照顧自己呀   始終妳係獨女   佢聽到一頭霧水   問我係咪即係獨生女 ?!   哈哈哈哈   佢以為我話佢係 "毒" 女呀   笑到我呢   最慘係我一笑就會咳到死死下 ~

金滿堂要等位   所以即轉小方糖喇 ~

食糖水又爭住比錢   依家佢真係成個大人咁   又定性   我都好安慰   始終我地相隔太遠   我只能言語上支持佢安慰佢   好多嘢我都無可能即時幫到佢呢   感恩係佢咩都肯講   好信任我 ~

番到屋企都 10 點幾   所以沖埋涼都即瞓   咁都已經 11 點幾了 ~