晚餐 @ 鑽石山 ( 22-JAN-2019 )

( 22-JAN-2019  TUE )

今朝同里奧大人 10 點唔夠都醒咗喇   沖埋涼搞掂哂都已經 10 點 40 分 ~

諗住今晚睇戲   即去 MCL 買飛啦   但原來今日係用唔到張 Coupon   咁算啦 ~

去到龍城都仲未夠 11 點半   所以仲叫得切早餐呀 ~

招牌沙爹牛肉公仔麵 & 仿鮑魚火腿絲通粉

西煎雙蛋 + 牛油脆豬 & 3.6 牛乳炒蛋 + 芝士火腿牛角酥

差唔多 12 點就約埋 Ivy 兩公婆   一齊打的去大酒店   參加蔡弟兄嘅安息禮拜 ~

12 點半唔到去到   都已經坐咗 8 成人喇 ~

儀式 1 點進行   我喊濕咗 1 包紙巾   諗番同蔡弟兄嘅點點滴滴   份外傷感   里奧大人都有喊   因為每次番到教會   蔡弟兄次次一見到里奧大人   就老遠都會行過嚟同里奧大人傾幾句   又會問我喺邊 ?!   兩次家訪佢都有嚟探我哋   又教識我哋好多聖經知識   係好有心機咁教我哋   呢份心意   真係令我哋好懷念蔡弟兄 ~

之後再去哥連臣角   儀式完畢都已經 4 點   因為今日人數實在太多   佢哋話接近 300 人出席   老中青都有   因為蔡弟兄好關顧老中青團嘅弟兄姊妹呢 ~

去到酒樓都已經 4 點幾   總共有 8 圍枱   有啲要坐 13 人   因為佢哋臨時出席 ~

咁牧師行埋嚟傾偈   問我好番未 ?!   我話好番哂   但未斷尾   佢話我呢啲答案真係無敵   哈哈   所以里奧大人又笑我囉   咁我好耐之前買木瓜   我 "鍊" 下個木瓜   個檔主叫我唔好 "鍊" 呀   我話我無 "鍊" 呀   細細力 "鍊" 咋   我答完佢都覺得自己搞笑   同埋好彩無比檔主鬧   哈哈 ~

食到差唔多 6 點就走喇   一齊搭地鐵番屋企 ~

去埋百佳買嘢就番屋企   沖埋涼就開機洗衫   熨埋 2 機衫就休息喇 ~

家姐又問我食哂車厘子未 ?!   我話 1 次食十幾粒   佢話咁少 ?!   我話好驚燥呀   原來佢喺果欄買嘅   $410/2 Kgs   怪不得成日問我食未啦   如果普通生果店買   佢唔會咁問   因為可以成日去買嘛   但果欄就唔會成日去囉 ~

今晚都好攰   所以睇多陣電視   11 點唔夠都瞓喇 ~