KFC (外賣) @ 家姐屋企 ( 5-APR-2019 )

爆谷脆雞 ($154) - 2 件爆谷脆雞 (配焦糖風味醬) +  4 件香辣脆雞 + 3 件巴辣香雞翼 + 巴辣雞粒 + 3 客辣汁蘑菇飯 + 3 件經典葡撻 + 3 杯汽水

食剩 3 件雞   留比家姐工人做 Lunch

好想食希靈魚壽司   所以買 5 件

( 5-APR-2019  FRI )

今朝瞓到 10 點自然醒   一起身都見里奧大人沖完涼   咁我都即刷牙洗臉   之後去食早餐喇 ~

食完番屋企休息   抖陣就沖涼   之後熨 3 機衫 ~

熨完都成 1 點   抖陣就出去食啲嘢   因為里奧大人 2 點要到舖頭   我就去家姐屋企比 Berry 玩 ~

咁啱今日家姐前工人比辣椒醬比家姐   所以車完佢再車我去佢屋企呢   Berry 見到我都撲我   勁驚佢咋咋啼啼跳咗落車呀   哈哈 ~

望風景

好似隻狼   所以成日講話佢係狼狗   家姐就會好認真話: 佢係唐狗   哈哈哈哈

笑口噬噬

個樣好精靈

家姐依家一個人出車   都會帶埋 Berry   話等佢適應下   我話不如依家去西貢吖   家姐居然話好   不過當然唔得啦   我買咗牛筋河比佢哋食嘛 ~

原來前工人叫佢媽咪整辣椒醬比家姐   我話寄番印尼就聽得多   由印尼寄嘢番香港真係好少聽過 ~

家姐落車先   之後 Berry 好驚咁望住車外面嘅家姐   咁家姐開門拎嘢再關門   Berry 更加驚   心諗點解唔帶佢走呀 ?!   哈哈   咁到我哋開門啦   Berry 直頭想撲去家姐度呀   我大力捉實佢條狗帶呀   勁驚佢飛咗出去呀 ~

無啦啦瞓梳化底

八八卦卦

隻眼 Dup 哂都唔瞓

同前工人一齊傾偈   之後一齊食零食   勁開心呀 ~

講開寄幾多錢番屋企   佢講完數字之後話加個 6 個零   之後又講佢買地起屋   好似起咗 2 間屋添呀   佢間屋成十億㗎   我哋成日話佢好有錢   之後佢就會話係印尼錢呀   哈哈 ~

之後唔記得又傾啲咩   家姐問佢: 我對妳好唔好 ?!   佢即刻話好   睇得出唔係假嘅   因為佢無諗就答好   之後家姐都忍唔住笑話   勁驚佢答話唔好   哈哈 ~

其實呢個工人無做之後   都會成日嚟家姐屋企㗎   頭先同隔離屋嘅工人傾偈   家姐直頭叫佢入埋嚟傾   咁有時假期   家姐叫佢哋嚟屋企開餐都無問題   反正屋企有地方   講真   我都覺得工人放假成日喺街一日都好慘   又熱喎 ~

唉   Berry 姐今日完全唔瞓覺   家姐同佢玩波   佢慢動作行㗎   眼瞓又唔瞓   可能我喺度啦 ~

就算出咗嚟都唔瞓   激死我   好想抱佢瞓呀   雖然佢依家 2x 磅

家姐去完旅行之後好攰   佢 5 點幾話想入房瞓陣   我話瞓啦   唔駛理我哋 ~

終於等到 Berry 姐瞓   點知我一行埋去   佢又彈起身走   連工人都忍唔住做口型話由佢瞓啦   哈哈哈哈 ~

里奧大人打嚟話今晚 8 點半先走   叫我過去一齊食飯   不過我唔過啦   咁鬼夜   我同家姐食好過 ~

差唔多 6 點我入家姐房拎叉電器   之後我一拎起插蘇   佢都醒咗   比佢嚇一嚇 ~

6 點幾姐夫同朋友番嚟坐一陣   之後就再出去食飯   咁我同家姐都出車買嘢食喇   叫工人看住 Berry 一陣 ~

7 點半番到屋企   叫工人快啲食喇   我同家姐都唔記得佢要 8 點前走   哈哈 ~

家姐好搞笑   成日講話多謝哂我   今日兩餐都係我請   我話我都有份食   如果我同妳計   妳就驚喇 ~

差唔多 9 點 50 分都走喇   家姐車我番屋企   本來想接埋里奧大人   不過佢未食完飯   咁我哋都唔等佢 lu ~

番到屋企即沖涼   個人好攰好熱咁   勁似作每月一呀 ~

之後家姐打嚟話工人抱 Berry 入房   話佢成個身係放軟㗎   咁梗係啦   今日全日看住我   無瞓過   哈哈哈哈 ~

里奧大人 10 點幾先番到嚟   咁又傾陣偈 ~

今晚 12 點先瞓   但其實唔眼瞓   不過聽日要番工   點都要試下瞓囉 ~