栢檔極品海南雞飯 @ 九龍灣 ( 13-APR-2019 )

叫咗 2 個套餐 ($62/Set) - 一個餸  + 健康翠綠時菜 + 雞油香飯 + 栢檔住家靚湯

極品海南雞 

香煎手剁魚香肉餅

( 13-APR-2019  SAT )

今朝早啲起身   因為約咗家姐食早餐 ~

又凍咗好多啦   不過落毛毛雨就比較麻煩囉 ~

家姐一坐低就話好熱   我話我好凍喎   佢都覺得奇   我好少話凍嘛 ~

傳統土司套餐 + 火腿通粉 ($42) / 肉鬆厚吐司套餐 ($37) 

以前火腿通粉係蕃茄湯底   依家係味粉湯底囉

2 隻半熟蛋

南洋熱咖啡最好飲   不過唔提神   哈哈哈哈

講開 Berry 姐   家姐話桐桐唔喺度   就即咬佢呀   我話有無同姐夫講呀 ?!   等佢縛佢   家姐笑住話無講   我都話佢係狗奴才啦   又唔認   哈哈哈哈 ~

食完就去 Taste 買嘢   家姐買餅乾同杯麵   咁我同家姐都用積分   所以我都要嘟卡   咁我嘟完錢就即刻向前行   之後 Cashier 擰住頭叫我拎嘢呀   哈哈   家姐都話奇怪點解我嘟完錢就即走   我話因為啲嘢唔係我要買嘛   真係完全無意識去拎囉   其實我已經唔係第一次比完錢即走呢 ~

買完已經 9 點   要即去搭車喇   差唔多落車啦   點知司機入錯線   勁 Chok 一下   之後勁驚係直出旺角   好在九龍城可以落車   但都已經 9 點 17 分   所以即打的番菇場啦 ~

菇場唔忙   其實忙都無咩 Mood 做   哈哈 ~

8 卦同我講   頭先阿渠見佢番咗   但我未番   佢同 8 卦講話我逢星期六都同老公食早餐   8 卦答佢真係唔知   咁我都會同 8 卦講星期六同家姐食早餐   不過 8 卦都唔會同渠講嘅   大家都知阿渠超級 8    但我話囉   比佢講到似層層   真係好鬼怕呢啲人 ~

家姐 10 點幾都未番到公司   咁問佢喺邊   之後用手機打嚟   話有急事要晏啲番   勁驚囉   之後佢再笑住話有急事   10 分鐘後話我知 ~

10 分鐘之後佢 Whatsapp 張相比我   勁感動   我真係眼濕濕好想喊   但我話以後唔再講鍾意啲咩嘢囉 ~

家姐去韓國嘅時候   我叫佢幫我睇有無 Apeach 嘅嘢   但要樣衰嘅   同埋唔係貴先好買   不過原來喺韓國買都係貴囉   所以我叫佢咩都唔駛買   點知番到香港佢都飛去買比我

寫下 Blog 又到 1 點   即放工喇 ~

去牛下街市買西瓜先番屋企   佢地啲西瓜好甜   雖然我隻手痛死   但我都會買比里奧大人食   因為我好懶   唔想買啲要批皮嘅生果   哈哈 ~

番到屋企抖多陣就去食下午茶   食完又行一陣   之後就番屋企 lu ~

今晚要去教會做啲嘢   諗住 5 點去到   但我 4 點 15 分瞓着咗呀   居然瞓到 4 點 45 分   所以一起身即刻着鞋走人喇 ~

去到教會都開始咗一大半   唉   咁搞掂哂都 6 點幾   去栢檔食埋晚飯先番屋企 lu ~

家姐又問我鍾唔鍾意   佢真係次次都係咁   買完又驚我唔鍾意   呢下先搞笑

食完去德福行陣   里奧大人諗住去新秀麗買背囊   不過再認真睇又覺得唔係咁啱   咁唔買就番屋企 lu ~

沖埋涼就休息   原來都已經 9 點   睇下 Youtube   11 點幾都要瞓   聽朝要早起身呢 ~