今朝 8 點半起身 沖埋涼就去食早餐 其實今朝 11 點先 Check-out 但里奧大人知我鍾意慢慢嘆早餐 所以早啲起身呢 ~
落雨呀
有人游緊韻律泳
對於今次嘅早餐 真係好在無期望 所以未至於失望 哈哈哈哈 ~
我見啲食物底盤有好多煙㗎喎 似熱辣辣咁 但食落嘅時間係唔熱嘅 連暖少少都無呀 里奧大人話其實係乾冰 哈哈哈哈 ~
里奧大人食咩都無所謂 因為佢對食真係無咩興趣 ~
好多人
其實我影緊相 但好似比人撞開咁 哈哈
我嚟喇
又會無人嘅 真係奇境
無咩興趣 哈哈哈哈
好在有我鍾意食嘅炒米粉
我好鍾意食餃子㗎 同里奧大人每人 2 隻先 如果唔熱唔好味就唔再拎 lu
里奧大人真係好鍾意食茄汁豆 我細細個成日食 所以食到好驚
我依家喺粥店食早餐 哈哈 油炸鬼脆卜卜
唔知一陣幾點食飯 所以食多隻雞蛋
無興趣
呢啲粗糧其實好正 不過我驚唔熟呀 食唔到又係浪費 不如唔食好過
熱辣辣餃子呀 不過我只係影相 因為已經好飽 lu
里奧大人一定要食生果
食到 10 點都番上房執嘢 抖多陣 11 點就出發喇 ~
又睇翡翠台
我同里奧大人講話唔拎走喇 番到香港實無哂氣了
里奧大人狂影 哈哈哈哈
最鍾意酒店有呢啲叉電線 唔駛開喼都可以即叉電
今日天色都麻麻哋
我哋坐嘅旅遊巴
尋晚食嘅自助餐 原來係地中海美食節
出發
以前里奧大人成日上大陸 好多時都喺真功夫食 Lunch 有樣配菜係叫外婆菜 里奧大人話爽爽脆脆幾好味 所以我成日都好想試 哈哈
住呢度都唔錯 起碼多食肆
完全唔知里奧大人影咗呢張相呀 我都習慣坐車都拖實佢 所以佢成日話佢好慘 哈哈
其實落緊好大雨 個天係黑哂㗎 但我影唔到
我好少見啲公路嘅白線係咁粗呢 好似白色格仔咁
完全睇唔到出面係咩
12 點半已經到飯店出面 但落好大雨 所以領隊話喺車上坐多陣先 等咗 5 分鐘就無咁大雨 即去食店喇 ~
今日係圍餐 我哋同 1 對情侶 + 兩公婆 + 3 人家庭 + 1 個大叔一枱 我問啲團友 領隊尋日有無講今朝幾點集合 ?! 因為我哋拎完卡就上房 點知佢哋話領隊係無講 真係救命 ~
東昇脆肉鯇火鍋宴 @ 美味園
鳳凰卷好味道 因為即制
口感係爽爽脆脆
加咗七味粉都幾惹味
魚肉丸好味道
唔知燒鵝定燒鴨 好有油香 好味道
鯇魚肉
呢碟反而有啲腥
今餐係圍餐呀 無諗過咁多碟鯇魚片呢
喺呢度釣啲魚上來 ?!
飯店入口 (室外) 但我哋係坐室內
呢度都係室外
飯店門口有啲店舖
好想買芒果 哈哈
有唔少商店
有唔少商店
金邊玫瑰都好乾淨 所以買咗 1 包
2 點 45 分就到中山帆鯊海洋館 逗留一個鐘 ~
我一心諗住係冷氣場館來㗎
再行入啲去睇巨鱘魚
再去國魚區參觀
我覺得非常肉酸嘅金魚
好大條假金魚
仍然睇金魚
弱肉強食體驗區
繼續行
我行去活魚餵食區 呢度好多區呀 但好似係極都係呢條路咁囉
佢哋分緊 "魚糧"
每人拎 1 個杯 "魚糧" 條大魚係死嘅 細嘅就好生猛
我餵魚喇 哈哈
見唔見到條魚咬緊條魚仔呀 ?!
Hello 妳好
呢隻蟹嘅顏色幾特別
一路行一路笑
可以喺度休息 不過我哋唔啦 好焗熱呀
周圍行下
無啦啦停電
好多錦鯉
另一邊 啲魚就更加大條 我見到有人摸啲魚 真係救命 有咩好摸呀 ?! 摸完會發達 ?! 但妳隻手可能有菌 感染哂啲魚㗎
我餵魚糧呀 幾粒幾粒咁掉落去
之後一嘢掉哂去 妳睇幾多魚吖大個口
呢條魚好似條蛇咁呀
噬埋嚟呀
呢條又唔知咩魚
呢個先恐怖 哈哈
Crocodile
咁細條嘅
個魚缸咁細嘅 又污糟
我企喺度影相 都感覺地方細 何況缸入面啲大魚 唉
條魚分分鐘同我差唔多長度
上面有鯊魚游來游去
好多龜呀 見到有啲好辛苦咁爬上去
另一邊又係咁
原來仲有好多大魚
里奧大人話做咩唔整塊大啲嘅石頭 咁佢哋唔駛爬得咁辛苦
右邊隻龜腳撐到咁 第 1 次見咋
有 1 隻龜係特別大隻
見到呢個擺設覺得好搞笑
里奧大人同職員講話有隻龜死咗 之後問隻龜點解會死 ?! 職員話巴西龜好難養 好易感染細菌死亡 買 100 隻會死 50 隻
影相留念 哈哈
咩都影
有條魔鬼魚不斷沿住池邊拍水
我話呢條魚好恐怖珊 里奧大人話係珊瑚魚 佢好驚訝話我無見過呢啲魚呀 哈哈
真係好難搵到佢嘅魚樣
終於見到佢隻眼
又見到寄居蟹 係綠色眼睛
呢條魚極度樣衰呀 哈哈
個咀好搞鬼
見到隻蟹嗎 ?!
里奧大人一路影 佢一路行埋來
兩隻行哂過來
呢隻青蛙好大隻㗎 佢成日好似好想跳出來咁
唔好望住我啦
體積大過我拳頭
我同里奧大人以為假㗎 點知里奧大人一行開 佢哋就游來游去呀
幾咁活躍
水母
都唔記得係咪呢隻色 哈哈
紅海參 但點解唔係紅色嘅 ?!
鮑魚擦呀 哈哈
脹卜卜
變身鮑魚擦
有條 "紙" 哈哈哈哈
珊瑚好靚
紅橙黃藍青綠紫 差唔多齊哂
蝸牛
好似跳緊舞
着番燈喇
咁似頭先條樣衰魚嘅
呢度有手搖船玩樂區
無哂人喇 點影到得
影到好似以前啲枱墊咁 哈哈哈哈
@ 帆鯊海洋文化館
3 點 45 分集合 之後出發去酒店喇 坐 2 個半鐘頭 居然無 Break 領隊直頭無問人有無需要去洗手間 ~
仍然落雨
見到酒店喇
6 點去到酒店 今晚 7 點 45 分食 Buffet 大把時間休息 哈哈 ~
@ 塘廈曼佧特國際大酒店
唔錯喎
房間似乎幾大咁喎
大床
大電視
第 1 時間叉手機電 哈哈
我好少浸浴 因為我唔想洗個浴缸
個水龍頭好搞笑
馬桶隔離位置係企缸
我鍾意向上揭蓋嘅夾萬
望落啲就係咁
房卡 & 餐劵
見唔到盡頭 哈哈
呢層設計幾有特色喎
等 Lift 位置
酒店大堂都好靚
里奧大人周圍影
係靚嘅
另一邊
一眼望哂 哈哈
好期待行步行街啦 但得一間便利店開咋 ~
@ 步行街
因為依家大陸都唔興收現金㗎喇 所以我比錢嘅時候 都比哂啲散紙先囉 估唔到 Cashier 話要 5 毫子 我哋比哂佢呀 終於清哂所有 5 毫子 得番 8 個一毫子 睇怕都幾難用到 哈哈 ~
最開心係買薯片時間 哈哈
@ 全心生活旗艦店
一場嚟到 再行下啦
Magic Hour
到此一遊
7 點半去到餐廳 排咗一陣隊就可以入去喇 ~
估唔到同 Auntie Uncle 一張四人枱 咁都好喎 起碼之後都傾到偈嘛 ~
我之前同里奧大人講哂食 Buffet 策略 之後見到餐廳唔錯 我同里奧大人講話 我要食足兩個鐘 但估唔到係同 Auntie Uncle 傾足兩個鐘 Auntie 都話好開心大家咁好傾 哈哈 ~
排長龍等食自助餐
鯖魚
芝士焗龍蝦 是憑劵領取的
Pizza
燒豬
薯仔 / 腸仔 / 豬肋骨
香腸隔離係燒香蕉 我初初以為係燒茄子添
估唔到有三文治
凍肉
海鮮
超搞笑 咁樣睇以為係咖啡味道嘅曲奇餅
椒鹽骨
豬手
咖哩雞肉
食落有陣酸味 但唔知係咪個汁 不過我最後都唔敢食呀
炒飯唔吸引
燉湯
唔知咩鴨
呢啲魚感覺好多骨咁
唔記得咩 lu
有意大利雪糕 但我哋食 Haagen Dazs
全場爆滿
我哋坐嘅位置
開餐
里奧大人嘅
里奧大人幫我拎咗罐雪碧 我話點解拎雪碧 ?! 佢話因為夠凍 哈哈 如果飲湯 佢就一定會拎熱嘅湯比我 我真係唔係咁鍾飲暖嘅汽水同湯呢
啲飯勁腍 但我都會食哂
里奧大人嘅
細細隻嘅蒜蓉焗生蠔
燉湯 飲完汽水再飲燉湯 感覺個人無咁寒 哈哈
紅酒
椒鹽雞軟骨好惹味呀 我食咗好多 但我會吐咗啲肥膏出來
一路食一路傾 最搞笑 Auntie 話我同里奧大人係文化人 我大笑出來 我想話我好爛口㗎 ~
佢講咗好多嘢比我哋聽 連佢哋嘅資產都講埋呀 咁佢做嘅職業 就係我從來好好奇嘅職業 今晚真係長智識喇 ~
佢哋係退休人仕 所以好多時間去玩 佢又似我哋咁 揀啲有質素啲 一定唔會揀平 諗都諗到啦 邊會有咁有大隻 xx 隨街跳吖 ~
Auntie 仲搞笑 襯里奧大人拎嘢食 佢好開心同我講話: 妳老公讚妳今次揀得個團好好呀 哈哈 佢真係笑到見牙唔見眼㗎 因為我尋晚同 Auntie 講 我老公唔鍾意食食食㗎 但我話怕落雨 都係跟食食食團好啲囉~
傾咗好多嘢 又講佢啲朋友咁咁咁 我一聽就知係咩問題出現 所以 Auntie 覺得我好識諗 喺里奧大人面前話我係好老婆呀 呢下好笑 ~
又講開依家啲人嘅思想 真係唔付出要有收鑊 一係就怨天又怨地 有時真係要睇下自己付出幾多先得架 ?!
但我成日覺得自己唔係識諗 而係正常人都會咁諗 有因先有果 唔好嘅果都係自己做成 怨天怨地完全解決唔到核心問題 只係令到問題係循環咁不斷發生 無意思囉 ~
感恩今次遇到嘅 Auntie 同 Uncle 都好正面 起碼佢感恩自己擁有嘅一切 所以同佢地傾偈都有好多得着 ~
傾到餐廳都開始關燈 再望望手機原來已經 10 點喇 咁大家都上房休息喇 ~
番到上房抖陣 執埋嘢就沖涼 ~
感應風筒
原封不動拎番香港 哈哈
放啤酒喺雪櫃嘅時候發現原來有 Free 嘅汽水啤酒
不過個罐係凹凹凸凸咁 所以唔會飲啦
今日中午買㗎 我買嘅時候 Auntie 都話啲嘢好乾淨 佢都有買苦瓜乾
呢日行程完畢 ^^
沒有留言:
發佈留言