住家飯 @ 家姐屋企 ( 4-APR-2019 )

東風螺 - 其實依家都唔係點食㗎喇   一望見就諗起行緊嘅蝸牛呀

海蝦 - 好鮮甜呀   次次食蝦   家姐都會叫我食多啲   知我唔識分咩叫草蝦同海蝦   哈哈哈哈   

撻沙魚 - 姐夫話本來係買大嘅撻沙魚尾   但魚佬唔同佢劏   所以轉買呢啲撻沙魚呢

臘肉 - 好味喎   原來啲肉係腍腍哋   大家都係喺榮華買嘅   但我嗰條臘肉切出來好鬼硬   唔通我擺得太耐 ?!

節瓜粉絲蝦米 - 我唔知點解   對呢個餸真係麻麻哋

花旗參湯

蟠桃 & 西梅

( 4-APR-2019  THU )

尋晚一瞓落床已經勁想嘔   可能食咗紅豆沙難消化   係向左瞓向右瞓都勁想嘔   但我忍住 ~

半夜醒咗仲係想嘔   所以即急切祈禱   感恩係祈禱完就好快瞓着了   Amen ~

今朝涼咗好多咁   不過天文台又話星期六會好熱喎 ~

早餐同 8 卦轉場食   啲員工係咁傾偈   仲漏哂 8 卦啲單   所以 8 卦話唔會再嚟食   哈哈 ~

菇場忙呀   所以好快又 Lunch Time ~

出去行陣再買水餃米番菇場食   開始有啲厭   但又唔想食咁多丸囉 ~

4 點幾終於忙完   開開心心等放工 ~

今晚里奧大人番學   所以我去家姐屋企食飯   咁啱今日家姐下午請假   可以好快見到佢 lu ~

去到家姐屋企附近   見到佢同 Berry 姐行街   今日係第 1 次同佢行街街   家姐話佢勁驚   抱佢落樓梯   點知放低佢就即飛番上樓   真係駛唔駛咁驚呀   哈哈 ~

依家入屋企坐低   Berry 都唔係點拎玩具同我玩㗎喇   大個女喇   其實都只不過係 5 個月   哈哈   但間唔中都會發顛咬我囉 ~

家姐喺韓國買咗好多襪   不過真係好平囉   家姐同同事講話   我要買啲核突肉酸嘅比我阿妹   左下角 DELICIOUS 嗰對襪   個紅唇係突出來㗎   家姐話好核突   所以佢先買比我喎   哈哈

呢啲脆脆喺韓國係好普通之嘛   但家姐話估唔到好少地方買到   要喺麵包店先買到

我拎住幾粒狗糧引佢   我一郁佢又郁   為食到呢

望到粒狗糧實一實

依家好難影到呢啲正經相   哈哈   

無啦啦又咬張床仔出來   同埋 Fing 開哂啲毛巾

7 點左右食飯   Berry 好鬼曳呀   所以姐夫就縛住佢喺露台   話再曳就打   之後衰女嗚嗚聲   姐夫打咗佢一下   我同家姐叫佢唔好打啦   因為嗚嗚聲好慘咁   哈哈 ~

之後發達喇我   乖成咁就即刻同佢在影相啦   影到佢哋都忍唔住話快啲食飯啦 ~

一縛繩就慢慢爬低   好得意呀   扮哂乖

扮乖

係咁望住姐夫嗰邊

望我都無用㗎   雖然我之後會扮好人放妳

對眼好得意呀

Send 比糟糟睇   佢都覺得 Berry 眼神好慘   哈哈

好得意呀   所以我同家姐講   如果我想同 Berry 影相   妳就縛佢啦   哈哈哈哈

我爬低影   影到好攰

Berry 姐心事重重咁款

扮瞓 ?!   對眼咩事 ?!

佢個頭仔放軟哂落我隻手度呀   扮哂乖   如果唔係縛住   我隻手咁樣   佢即咬我㗎

乖乖地咪好囉   就放妳㗎喇   等多陣啦下

咁依家 Berry 真係走唔停   又鍾意周圍咬嘢   家姐同工人捉佢唔掂   我話想佢定就等我嚟啦   就係拎粒狗糧引佢   只係 1 粒咁大把   仲要 Sit 同 Hand Hand 先有得食   家姐都話真係慘   食粒狗糧要做咁多嘢   哈哈哈哈 ~

我一拎狗糧   佢就坐定定

食完粒狗糧又即刻周圍走   佢仲無啦啦咬家姐   咁家姐打佢啦   大力到呢   其實串緊佢囉   同摸佢嘅力度一樣   咁係鬼打咩 ~

里奧大人 9 點 45 分放學   咁我都番屋企喇   家姐話帶埋 Berry 送我番屋企   我話唔好喇   工人又沖咗涼   等佢哋休息下算喇   哈哈  ~

番到屋企即沖涼   里奧大人 10 點半先番到屋企   咁切埋芒果比佢食   我都休息 lu ~

今晚成 12 點幾先瞓   難得聽日放假嘛   哈哈 ~