中山名座假日大酒店 @ 中山。東莞 (純玩 2 天半團) DAY 1 ( 19-APR-2019 )

( 19-APR-2019  FRI )

今朝 9 點半都起身   沖埋涼就去麥記食早餐   食完番屋企抖陣   11 點 15 分出發喇 ~

連放 4 日復活節假期   所以我同里奧大人講話想出去玩呀   咁一個月前已經報咗名   今次個團係我揀㗎 (純玩 2 天半團 ($1,199/人) 強制性國內司機 + 導遊服務費 2 天半團 $180) ~

本身我哋都鍾意揀啲有景點嘅團   但我話怕落雨呀   到時咩景點都去唔到   所以揀啲食食食團啦   旨在唔想喺香港 ~

去到 APM 買深圳灣口岸嘅車飛   居然話無哂飛賣呀   最快今晚 8 點先有得賣 ~

真係無諗過咁多人上大陸呀   所以即轉陣搭地鐵再火車去羅湖   其實已經 11 點半   去羅湖集合要 1 點到   真係勁驚趕唔切   同埋我地轉咗集合地點   拿拿聲叫里奧大人打比領隊   好驚佢哋唔等我哋呀   哈哈 ~

因為本身我哋係深圳灣口岸集合   但里奧大人想同我食啲嘢   唔係去到中山要 5 點   驚我會好餓喎 ~

我哋坐頭等嘛   咁對面坐咗兩母女   聽到佢講電話   話羅湖過關勁多人   我同里奧大人都勁驚   之後佢傾完電話   大家打個招呼   原來佢都係跟昇寶 3 日團   咁我哋可能係團友呀   真係好少會咁情況   哈哈 ~

一去到羅湖已經嚇鬼死   因為深圳已經實施人流管制喇 ~

真係去咁多次大陸   第一次見咁情況   可能大假期啦   同埋無諗過咁多人上大陸   不過依家去大陸又真係好方便嘅   香港已經無地方再比香港人玩㗎喇 ~

@ 12 點 45 分   我第 1 次見咁情況   感恩係唔駛等好耐就可以上前過關呢

感恩準時 1 點到集合地點   但司機遲咗一個半鐘   因為旅遊巴喺廣州調過嚟   司機唔識路喎 ~

反正要等司機   所以里奧大人即刻飛去買蛋糕

有個團友回鄉卡過期   但仲整緊   所以領隊打比佢   問佢得未 ?!   但條友唔聽電話   之後佢親戚打比佢囉   係咁話得   另一個男團友話得嘅意思係咩先 ?!  係要問佢過關未呀 ?!   呢下先重要   不過最後都無等佢   因為司機已經到咗 ~

1 點半出發

又要企喺呢度等旅遊巴   好在無雨啫   咁頭先又話司機到咗 ?!   最估唔到係居然見到我哋上次小組旅行團嘅領隊日仔呀   我即上前同佢打招呼   仲問番佢叫咩名   佢又第一時間答我先搞笑   我話我上次跟佢團㗎   答啱咗仲送咗個小口琴比我呢   我唔係白撞㗎   哈哈

上哂旅遊巴又唔開車   頂佢   原來條友落咗去搵佢親戚   咁領隊又跟埋去   其實領隊一早應該話唔會等   咁樣對其他團友唔公平囉   特別係深圳灣口岸嘅團友   佢哋企喺橋底比雨整濕曬呀~

2 點上車   諗住開車走啦   點知等團友等到 2 點半   黐鬼線   即係足足遲咗 1 個半鐘 ~

佢哋上車真係一句唔好意思都無   不知所謂   所以我要認住佢哋個樣   哈哈 ~

里奧大人喺羅湖買㗎   我同里奧大人講話好在我今朝食咗個包咋   唔係真係餓暈   哈

3 點已經到咗深圳灣口岸   但司機仲喺度兜來兜去

落緊好大雨呀

3 點 15 分先接到團友   我同里奧大人講其實今次我哋好感恩轉咗喺羅湖等   唔係好似佢哋咁就慘   佢哋上車嘅時候   成腳濕哂呀

大大個水氹

領隊又係黐嘅   唔打比深圳灣口岸團友講話遲啲到   咁起碼等人哋有個心理準備嘛   因為團友一定唔敢走開 ~

但我哋就不斷聽到深圳灣口岸嘅團友打比佢囉   咁人哋等咗 1 個鐘   真係驚班車走咗家嘛   佢哋真係勁好人啦   上車都無鬧領隊   只係話妳電話又唔聽   覆人哋電話都好吖   比着我一定話佢   好憎啲人咁唔負責任嘛 ~

個個上哂車   領隊問邊個 Party 啲人無嚟 ?!   我心諗都黐黐哋   梗係自己點人數啦   點可能問番團友   之後仲好安心咁話架車坐滿哂座位就等如齊人   咁我哋呢團 51 人算大團   一定會點齊人數先開車囉   我真係從未見過領隊唔點人數囉 ~

睇嚟啲雨都落唔停㗎喇   最緊要唔好塞車

見到架飛機

好似赤鱲角機場

架貨車尾有條好長嘅白布帶   唔知係甩咗定係有原因要咁呢 ?!

我好似坐喺飛機影落嚟咁   哈哈

唔知呢個地方係咩呢 ?!

本來我哋 5 點半食自助餐   依家要改為 7 點半喇   今次係人為問題囉   好在無景點咋   唔係咩都無得睇啦 ~

4 點半左右有個 Break   買咗個餃子   點知凍嘅   都費事換喇   唉 ~

到加油站了

加油站有好多嘢食   次次見到啲辣椒油都勁吸引   不過一定唔敢食   太刺激喇

貌似熱辣辣嘅凍冰冰餃子

加醋加豉油好味道   可惜係凍   我問里奧大人係咪生㗎 ?!   佢話唔係喎

司機同領隊最啱傾啦   同一類人   唔負責任   里奧大人話個司機唔會幫團友拎行李出來   只係企喺門邊等妳自己拎   第一次係咁㗎咋

到中山喇

校服同燈柱係同一顏色

呢度感到比較純樸 (落後)

里奧大人好大聲話: 水立坊呀   哈哈

呢間先勁啦   2046 客棧呀

好多商店

我離遠望到好似係古天樂   所以 Zoom 去影   其實係咪真係古天樂拍㗎 ?!

駕駛學校

酒城都有

6 點 10 分去到酒店喇   拎完房卡都即上房 lu ~

@ 中山名座假日大酒店 (白金五星級)

酒店大堂都唔錯喎

另一邊

上房喇

就咁望好似間房幾大咁   哈哈

感覺好舒服呀

我鍾意有燈嘅鏡

用品都齊全

我話浴室令我諗起曼谷 Marriott   里奧大人都覺得好出奇   哈哈   因為好乾淨嘛

企缸同浴缸分開

我真係覺得呢間酒店好乾淨   感覺係超級舒服   我平時唔會坐呢啲梳化㗎   硬係好多塵咁   但呢兩張好乾淨呀

工作枱

電視算大㗎喇   居然可以睇到翡翠台呀   哈哈

白色門都唔錯   一睇就知邊個位係拍卡   哈哈

等 Lift 位置

7 點半開始   但領隊叫我哋 7 點落去   但餐廳唔比我哋入去囉   但唔想上上落落囉   最後我哋都企喺度等   咁我同 Auntie 傾偈囉   佢係喺旅遊巴坐我哋隔離嘅 ~

傾下傾下到 7 點半喇   我地全部坐另一邊   係加枱嘅   感到好似被人遺棄咁   哈哈 ~

Buffet Dinner Coupon

勁邪呀   居然同遲到嗰兩個男團友同枱呀   平時我一定會打招呼   但我今次真係笑都唔笑   因為我覺得佢哋行為太自私呀   勁討厭 ~

餐廳環境

甜品區

生果區

十餸飯形式   哈哈哈哈

開餐喇   食中菜   哈哈哈哈

呢碟我㗎   我拎咗 2 件羊架比里奧大人

我叫里奧大人去拎嘢食啦   見佢咁耐都未番   我再出去拎碟粟米   到我番嚟佢都仲未見人   以為佢等啲即叫即燒嘅食物添

里奧大人拎嘅   原來佢排咗好耐隊

里奧大人第 2 Round

里奧大人應該食食下覺得要影番張相留念   佢周不時都係咁   我就習慣相機食先   哈哈

呢期真係好想食蝦   隻隻都好爽喎

沙律好味道

我哋坐呢度呀

有 2 個小丑表演魔術

里奧大人見到佢哋扭波波   就叫佢哋扭個比我

里奧大人拎生果同甜品   等如佢已經食飽㗎喇

頭先太多人   所以食完就出去影下相

勁似十餸飯嘅餸   要邊樣夾邊樣

之前好多人湧去海鮮區

頭先見啲人直頭係搶添呀   唉

呢碟我㗎   里奧大人話我好大食   哈哈哈哈   其實黑椒意粉放面之嘛   佢以為我成碟都係意粉呀   我將啲食物一層層咁疊上去   因為隻碟太細   我又唔想行幾轉

我拎咗啲水煮牛水肉   好鬼辣   但好味道   哈哈   一塊塊係菇   仍都好味道呀

頭先好多人排隊   我去拎嘅時候係一個人都無   所以我又拎件牛扒來食

食完就喺酒店附近周圍行下   諗住按摩   最快要 12 點   咁梗唔去啦   寧願瞓覺好過 ~

里奧大人叫小丑扭比我呢

里奧大人向我求婚   哈哈哈哈

衰里奧大人叫我扮食提子呀   哈哈

大堂無人   點影都得

幾架旅遊巴   聽領隊話好似有 51 團呀

酒店外圍

9 點都番酒店喇   之後見到個房間電話先醒起   領隊無話自己房間號碼   同埋聽朝集合時間喎   定我地頭先走得太快呢 ?!   所以都即打比佢手機問呀 ~

有多張被   凍都唔駛驚   哈哈

對唔到焦嘅效果都幾靚   哈哈

望落去係泳池

沖個熱水涼   再睇陣電視   張床好舒服呀   所以睇睇下電視都想瞓   哈哈   不過最後都係 11 點幾先瞓呢 ~

呢日行程完畢 ^^