譚仔雲南米線 @ 牛頭角 ( 10-JUL-2019 )

過橋米線套餐 (重慶酸辣湯底 3 小辣) ($54) - 里奧大人話想要 4 小辣   我話唔好啦   我感冒口淡淡   要食濃味嘢   所以我食完千奇唔好咳呀   呵呵

紅油青瓜 ($21) - 好鍾意呢啲小食   其實自己整係好平又簡單   但唔願整   哈哈

( 10-JUL-2019  WED )

呢排瞓到鬧鐘前幾分鐘就醒   都唔知好定唔好囉   因為好想瞓   但又知道就嚟要起身   哈哈 ~

早餐食腿蛋治   食三文治食到好鬼悶   但食粉麵餐又食唔落喎   如果有腸粉燒賣粉果呢啲就好   濕濕哋嘛 ~

菇場唔忙   發喇   繼續溫習 ~

濕疹大爆發   手指關節位最難好   加埋爛臉又爛咀   搞到個人好無哂心機   感覺外表好似好污糟咁 ~

Lunch Time 都唔駛出街   因為朝早買咗個菠蘿叉燒包   真係覺得自己奇怪又麻煩   早餐唔想食包   但晏晝又會食㗎喎 ~

仍然溫習   感覺好快放工   哈哈 ~

同里奧大人去譚仔食晚餐   因為我想食濃味嘢呀 ~

食完都番屋企喇   沖埋涼就開機洗衫   之後食生果 ~

其實我唔應該食芒果   但我之前買咗大個   "吽" 到依家先熟哂咋   里奧大人又已經食咗 3 個豬腰芒   唔想佢食咁多   加上 1 個大芒果又無可能 1 個人食得哂   唯有一齊食啦   以毒攻毒

  
咁溫到有啲悶   同埋喺屋企唔係咁集中到   成日會想做依樣嗰樣   但就一定唔會想睇電視 ~

我灘喺梳化邊食朱古力邊溫書   里奧大人話我都好嘆喎   勁驚佢話我想增肥呀 ?!   哈哈 ~

家姐 10 點幾打嚟   以為咩事啦   因為多數 Whatsapp 嘛   之後佢話食咗燒鵝味薯片   叫我快啲開嚟食   最邪係今日阿 mi 又食咗鹹蛋王薯片   又叫我快啲試   成班魔鬼   哈哈哈哈 ~   

差唔多 11 點都瞓喇   呢排攰呀 ~