翠河餐廳 @ 官塘 ( 21-JUL-2019 )

西檸軟雞

蝦醬通菜炒牛肉

( 21-JUL-2019  SUN )

今朝 8 點 45 分起身   沖埋涼就出發食早餐喇 ~

吉列魚柳 + 雞肉腸   好耐無食   覺得好味呀   咁我要凍飲   依家要 +$7/杯   勁貴囉   之前 +$5 都貴   不過想飲就無計啦

美心嘅糯米雞真係唔錯

食完抖陣   10 點半要去組長屋企練歌   今日小組出隊參加比賽   有 20 人參加呀   幾乎全組人都參加   感恩感恩 ~

一齊練歌真係好開心   我咃都好認真練   但練嘅過程又好好笑   所以笑到我又成身汗呀 ~

練完之後就一齊番崇拜   姊妹們一路行一路傾   去到安全島等無車行嘛   咁仍然傾啦   之後弟兄 A 話呢度唔會有綠燈㗎喎   哈哈哈哈 ~

今次聽道又有所領悟   講到唔堅持就會好易放棄   咁日本有位殘疾嘅姊妹   有晚寒冬   佢都堅持一個人去游水   佢話如果佢唔堅持   就會有好多藉口話唔去游水   太凍唔游水   太曬唔游水   久而久之就唔會去游水   我都要好好向佢學習   因為我本身又係好懶   但好在我知道自己身體唔太好   真係唔郁唔得   但呢排忙於溫習   所以真係唔想做運動係事實   我都同里奧大人講   8 月要回復番正常生活   一定要去徑步囉   感恩里奧大人都會陪我做運動   有同路人係好緊要呢 ~

同埋講到呢排香港社會氣氛好差   但唔同政見唔緊要   但必須要冷靜 冷靜 冷靜 ~   

雖然我係基督徒   我知道自己仍都有受苦嘅心   但感恩我依靠上帝勝過一切 ~

崇拜完畢就要同短宣隊練歌   總共有 14 人出隊   大約 15 分鐘就練完   哈哈   大家練 1 次就要出隊   真係要靠主加力呢 ~

我地約咗弟兄 J 兩公婆食 Lunch   食下傾下   2 點 45 分又要番教會預備了 ~

1 人部隊鍋 ($55) - 見到有指天椒   唔怪得咁辣啦   但其實點解要加呢 ?!

XO 醬煎蘿蔔糕 ($26) - 一般啦   咁其實我想飲嘢多啲   所以叫咗枝枝菠菠 ($19) & 芒芒彈彈 ($19)   但非常之唔掂囉   把鬼

今次小組同短宣都出隊   緊張又開心   比賽差唔多 5 點結束   我哋都番屋企喇 ~

抖陣又溫下習   差唔多 7 點先出去食飯 ~

食完番屋企就開機洗衫   大清潔廁所之後就沖涼   抖陣又溫習 lu ~

今晚好攰   10 點 45 分都自己瞓先喇 ~