興興 @ 官塘 ( 15-JUL-2019 )

牛丸冬蔭功湯河 ($46) - 一般啦   咁里奧大人問老闆娘有無冬蔭功湯河 ?!   老闆娘話咩都有   但又死都唔講幾錢   問咗 2 次先講   感覺好似任佢開價咁囉  

素春卷金邊粉 ($42) - OK 啦 

馬拉盞炒通菜 ($44) - 呢個好惹味呀   

( 15-JUL-2019  MON )

感恩都瞓得好   可能真係太攰喇   哈哈 ~

早餐食奶醬多   其實無咩胃口   但又唔可以唔食嘢喎 ~

菇場忙咗陣   之後要快快溫習喇 ~

Lunch Time 約咗里奧大人食 Lunch   明明話所有大粒唔喺度嘛   點知又番咗嚟   但我一早約咗里奧大人食 Lunch   咁照去食啦 ~

忙下停下又溫下   好快放工咁 ~

放工即走   約咗里奧大人喺官塘等   我買埋生果就一齊去食飯喇 ~

我話食泰國菜   因為突然好想食泰國湯粉 ~ 

間店無咩冷氣咁   但老闆娘話開哂冷氣   咁照食啦   里奧大人好心急咁落單   又係咁問我叫咩叫咩   大佬   我都未睇點叫呀 ?!   我叫佢自己叫先啦   之後佢話老闆娘話要落單先喎   怪不得咁心急啦   不過如果我知道係老闆娘係咁催催共   我都會唔多客氣同佢講等陣先囉 ~

里奧大人叫完碗粉   老闆娘即問飲咩  ?!   里奧大人問佢係咪包埋飲品 ?!   佢話唔係   里奧大人問咩價錢   佢話特飲加 $13   凍檸水呢啲加 $7   個老闆娘態度都唔好啦   同埋比我感覺係有呃人 Feel ~

我覺得個老闆娘咁做法   令我諗起之前上網都睇過類似發生嘅事件   我覺得咁樣問係好誤導人哋   以為係套餐包飲品囉   不過算啦   反正都唔會再嚟   因為服務態度都好差呢 ~

食完都番屋企喇   大清潔廁所之後就沖涼   開埋機洗衫就休息一陣喇 ~

咁我唔想溫習住   想晾埋衫先溫習   咁睇 Youtube 啦   都唔記得睇咗幾耐   都應該有 45 分鐘   咁去晾衫啦   奇怪點解啲衫咁快乾   好似無濕過咁   心諗唔通停咗機好耐 ?!   但都無理由唔濕囉   之後我諗番起   唔通水少同埋無落洗衣液 ?!   但最後我再摸下最底嘅衫都係乾   原來係我從來無開過機洗衫   咁即刻開番啦   仲諗住早啲開機洗衫   快快溫習添 ~

今晚都係 11 點左右瞓喇   有啲攰   瞓到就即瞓呢 ~