上海婆婆 336 @ 九龍灣 ( 12-JUL-2019 )

所有餸菜一次上哂來   就知咩事啦 

雞絲拌粉皮 ($68) - 好味呀   但里奧大人唔太鍾意食   哈哈



回鍋肉跟叉子 ($88) - 咁樣夾都幾好味   所以姊妹要叫多碟叉子 ($30/2 件)

糖醋魚塊 ($78) - 一般啦

乾煸四季豆 ($72) - 幾好味

上海粗炒 ($72) - 無味嘅   好在唔油   因為我叫少油

( 12-JUL-2019  FRI )

都算係一覺瞓天光啦   我成日半夜醒咗一郁呢   就會好想去廁所   但 CC 叫我忍呀   唔係就會變成習慣   咁如果真係好急呢   我先會去囉 ~

今朝仲早咗出門口   依家着 One Piece 勁方便   一笠落去就搞掂 ~

早餐食吞拿魚治烘底   今朝件多士口感超唔掂   好似隔幾夜嘅麵包再烘   仲要好似烘同唔烘之間咁   所以快快食埋去 ~

菇場忙咗陣呀   咁樣反而有精神溫習   哈哈哈哈 ~

Lunch Time 出去行陣   難得有太陽   雖然都係熱   行咗差唔多 20 分鐘就去買魚片頭米番菇場慢慢食 lu ~

仍然忙下停下   開始有啲攰添呀 ~

放工即走   之後同里奧大人一齊去買麵包   今晚約咗姊妹 J 一齊食飯   估唔到弟兄 J 兩公婆都嚟埋   又一齊傾下食下 ~

依家限時 90 分鐘   不過都無咩所謂   因為我地都要番教會呢 ~

番到小組都差唔多開始喇   好在無遲到   哈哈 ~

9 點 15 分要練歌   又笑到出汗   姊妹 TT 真係超級細心   印埋歌詞比我哋   仲有記號   咁我哋知道點樣唱   不過其實最好都係要背囉   咁唔駛個個望住 PTT   所以我都要快快背熟歌詞呢 ~

差唔多 10 點都走喇   今晚完咗都唔傾偈喇   因為聽朝好早起身呢 ~

番到屋企即沖涼   聽日有嘢要負責   所以但我有啲緊張呀   差唔多 12 點先瞓囉 ~