甜豆炒臘肉 + 臘鴨肶 + 南瓜粟米栗子紅蘿蔔豬骨湯 ( 11-APR-2020 )

( 11-APR-2020  SAT )

今朝 9 點都起身   已經見里奧大人喺度做公司嘢   其實我瞓得唔係咁好   但起身又精神喎   所以即刻去沖涼喇   之後去食早餐喇 ~

食早餐再去超市買嘢   之後叫里奧大人番屋企先   我就再去買煲湯料 ~

番到屋企都係 Hea   難得里奧大人今日放假   所以呢日我超勁開心 ~

差唔多 2 點就整 tea   以前一定要出去食   因為覺得飲杯咖啡奶茶好 Relax   但依家 Quota 都應該就來爆喇   中午唔會話好想飲   同埋如果唔攰   我依家都想自己整嘢食   其實成日唔駛出街都幾爽架   感覺個人好乾淨咁   哈哈 ~

食完嘢就煲湯   之後可以休息喇 ~

5 點飲湯   抖到 6 點幾就預備晚餐   咁就可以 7 點開飯 ~

是日晚餐 - 甜豆炒臘肉 + 臘鴨肶 + 南瓜粟米栗子紅蘿蔔豬骨湯

甜豆炒臘肉 - 蒸熟臘肉   再淥熟甜豆   其實勁想撈埋一堆就算   不過最後都覺得太懶   所以加咗粒乾蔥一齊炒   我炒嘅時候   里奧大人話好香呀   好少聽佢咁講   所以好開心   哈哈   不過呢個餸真係好味   以前好憎食臘肉   因為硬崩崩   但家姐買比我嘅臘肉又唔係咁喎   我覺得好味道呀 ~

臘鴨肶 - 影比家姐睇   佢話叫我快啲食   食完再買比我   好肯定下次佢唔駛問我   都會買比我   哈哈 ~   

南瓜粟米栗子紅蘿蔔豬骨湯 - 湯料買咗一百蚊   但其實我買 $40 豬骨已經算少喇   家姐話佢買 $80 架   我就唔會喇   真係太貴囉   今晚個湯勁正呀   居然有 Creamy 嘅口感 ~

洗埋碗就大清潔廚房   搞掂哂就沖涼了 ~

仍然睇無心 3   今晚又差唔多 12 點先瞓 ~