米線陣 @ 官塘 ( 21-APR-2020 )

滋味 2 人餐 (震撼價 $128)  原價$ 169
滷水金錢肚 + 滷水雞翼米線 (麻辣蕃茄湯底 + $2)

鮮蝦雲吞 + 滷水牛展米線 (麻辣蕃茄湯底 + $2)

川辣牛雙寶   里奧大人話小食同餸係一樣   哈哈

大汗豬扒

清湯蘿蔔 + 炆冬菇

( 21-APR-2020  TUE )

今朝一覺瞓到天光   中途無醒過   真係好耐無試過啦   感恩感恩 ~

8 點 35 分番到菇場   影張開電腦嘅相比家姐同里奧大人睇   佢地 Send 同一句說話   就係 "咁早"   所以有時唔知道係咪已經覆咗佢哋咁囉   哈哈   尋日又係咁   前後腳打 "Call Me"   我都有啲亂   因為開 Whatsapp 睇係睇咗文字先嘛 ~

菇場忙下停下   唔錯唔錯 ~

Lunch 食杯麵   肥仔豪話我食得辣   仲要 Extra Spicy   之後 BG 又話估唔到我食咁辣   阿齋直頭話一路聞到我啲辣味勁想食添呀   咁我 Send 比家姐睇   佢又話估我唔到食大杯麵同 Extra Spicy   我話平嘛   只係 $21/3 個   所以咪買囉 ~

仍然忙下停下   可以準時放工 ~

今日去鰂魚涌幫里奧大人拎書   巴士轉巴士   感恩係一落車就即上另一架車   時間真係啱啱好 ~

之前家姐幫我拎書㗎   但依家佢 WFH   所以我自己拎啦 ~

但我手機數據用哂   所以用唔到 Google Map   要打比家姐教我點行   一落車就見到香港殯儀館   我心情極度沉重   超勁唔開心 ~

咁我要拎 2 本書嘛   職員話另一本書要等   我即問等幾耐啦   佢話 10 分鐘   咁梗係等啦   其實佢頭先一早講話要等 10 分鐘咪得囉 ~

拎完即搭車去官塘   本身諗住喺北角周圍行   但心情低落   想快啲想離開呢個地方 ~

去到官塘都 5 點幾   即去樓上舖睇杯碟   之後去 APM 行陣   突然頭暈兼腳軟   心諗唔係頭先曬咗 10 分鐘等車嘛 ?!   但無理由依家先來暈喎   咁可能餓呀   去 MUJI 買零食   食咗包點心麵又好似好啲   不過仍然腳仔軟 ~

里奧大人 6 點半到 APM   即去金飯碗買嘢喇   難得有胎菊   順便買埋非洲甜螺仔同麥冬   買完都走人喇   下次先再吹水呢 ~

今晚我話想去米線陣呀   以前成日去就嫌悶   依家無去就突然想去   哈哈 ~

食完再去拎淘寶   之後番屋企喇 ~

開機洗衫   沖埋涼就休息 ~

買下買下又買咗呢啲   其實細細包都唔錯   因為始終 Expiry Date 好短呢

今晚 11 點即瞓   呢排都好似早咗瞓   咁又唔錯喎 ~