梅菜蒸鯇魚 ( 10-JUN-2021 )

( 10-JUN-2021  THU )

今朝 9 點自然醒   所以里奧大人都出去買早餐喇 ~

一開手機見到家姐 Whatsapp 問我係咪徑步 ?!   我話今日請假   佢話見我成個鐘都唔覆   以為我暈咗   同埋原來我無同佢講今日請假呀   我以為上星期六講咗比佢聽添   之後佢都有問里奧大人做咩阿妹唔覆 ?!   衰奧話我掛住睇 ASTRO 無覆佢喎   好在我比佢之前覆咗家姐先咋   唔係真係以為我咁顛囉 ~

食完抖陣沖埋涼   差唔多 10 點 45 分出發去銅鑼灣整嘢   感恩 12 點 45 分搞掂 ~

行陣就去食 Lunch 喇   條街勁熱   不宜久留 ~

自助沙律 - 青瓜雞絲沙律好味呀   酸酸辣辣   越食越開胃   哈哈

自助餐湯 - 我飲冬蔭湯   都幾好飲喎

辣椒膏炒原隻墨魚仔飯 ($65) - 我覺得無咩味咁

都有唔少墨魚仔

香草胡椒肉碎炒飯 ($62) - 呢個好味呀   炒飯真係惹味啲嘅   哈哈

食完真係好飽   所以一定要行下 ~

本身諗住行外圍啦   話哂頭先吸完冷氣   但條街真係勁焗熱   所以又行 Sogo 喇 ~

今次想睇 LV 銀包   原來 Sogo 無店   咁睇其他牌子   見到 Burberry 就入去睇喇   因為想見車銀優   哈哈哈哈 ~

其實好耐之前都係用 Burberry 牌子   我覺得都襟用   所以叫里奧大人轉用呢個牌子啦 ~

男裝銀包都算抵   我買個新款都係 $2,800   因為我覺得銀包唔過 $3,500 都算抵   因為可以用好耐嘛   所以我送比里奧大人做生日禮物   哈哈 ~

本身自己都心大心細想買個長銀包   不過要 $5,400   但我銀包又未爛   同埋我真係好鍾意依家個銀包   因為好難搵到湖水綠顏色呢 ~

買完再周圍行下   見到 B Duck 口罩盒好靚   里奧大人即送比我   我話唔駛禮尚往來喎   之後再買埋佢個環保袋就再周圍行 ~

行哂男女裝部   再行埋超市都搭車番屋企 lu ~

番到屋企都 5 點   放低哂嘢就自己去徑步喇   之後買埋生果就番屋企喇 ~

無諗過咁大個紙袋

買一個銀包   又有盒又有袋   都有幾多嘢   哈哈

沖埋涼就休息一下   今晚 7 點半先開餐   因為個午餐真係好飽下 ~

是日懶餐 - 梅菜蒸鯇魚

梅菜蒸鯇魚 - 本身尋晚食架   但完全唔記得佢存在   所以今晚一定要食埋去囉 ~

洗埋碗就開機洗衫   沖完涼就睇 ASTRO   依家成日有好多片 Upload   有時睇唔切就即放上 FB   咁唔駛咁趕住睇   哈哈 ~

今晚 11 點都瞓覺   真係好感恩呀   因為頭先飲咗可樂   我勁驚唔眼瞓呀 ~