咖啡韓食 @ 大埔 ( 14-JUN-2021 )

牛肉紫菜飯卷 ($44) - 好乾

燒豬肉飯 ($56) - 一上枱見到咁   我都唔敢話樣衰   始終唔係我食嘛   里奧大人話啲肉好 "鞋" 好難食   佢好少會講難食呢兩個字㗎   

( 14-JUN-2021  MON )

9 點半自然醒   梳洗完就即食早餐喇 ~

今日去探兒甥女嘅 BB   所以 11 點左右出門口   搭完巴士再轉小巴   依家唔係咁慣搭長途車   成日轉彎有啲頭暈   同埋架巴士有啲焗先慘 ~

去到兒甥女屋企都 12 點幾喇   玩一陣 BB 再參觀新屋   之後姑奶又嚟埋   所以一齊傾偈   傾到 2 點半左右   兒甥女要出去喇   咁我哋就去姑奶屋企坐下喇 ~

里奧大人姐夫教我哋拉筋   拉咗 10 分鐘都有   勁爽呀 ~

拉完筋就食 Lunch 喇   以為食麵   但原來仲有糉同小籠包 ~

我同姑奶 Share 半個麵辛辣麵   里奧大人就自己一個食出前一丁   最搞笑里奧大人話以為無餸   不過我無餸都無問題   我做女嘅時候   食麵真係就咁食麵㗎咋   腸仔同蛋都無㗎   因為食一個麵都好飽囉            

好開心有糉食呀

小籠包

食完又傾下偈   好少機會咁一齊傾偈   都傾得好開心   我對姑奶都改觀咗   佢講好多嘅經歷   其實係佢身上都感受到神嘅恩典   所以我都會向佢學習   希望自己真係可以做到一個好好見証 ~

4 點幾就一齊出車去大埔中心   我哋同姑奶行咗陣   之後佢都走喇   我同里奧大人繼續行   今日又買咗對 Made in Korea 嘅鞋   只係 $359 咋   我搵咗呢個款好耐   感恩有呀 ~

行完就去買半個西瓜同墨魚卷   去到車站都已經 6 點   不過啱啱走咗班車   里奧大人話不如食埋嘢先番屋企呀 ~

又見到韓國食店   咁入去食啦   因為無咩人   最後我同里奧大人講話呢間叫 "永不回頭"   哈哈 ~ 

食完就搭車番屋企   但我要去淘大拎衫先呢 ~

番到屋企都即沖涼喇   再睇多陣 Youtube   今晚 11 點都瞓覺 lu ~