豆漿大王 @ 九龍灣 ( 19-JUN-2021 )

上海小籠包 ($25) - 都多肉汁

五香牛肉麵 ($34) - 都 OK 啦

招牌正宗上海餈飯 ($15) - 新鮮熱辣真係好好味

太熱喇   要飲杯凍豆漿

( 19-JUN-2021  SAT )

尋晚半夜去廁所   好在好快瞓得番咋   但起身都有啲難度   不過尋晚食咗包薯格   今朝點攰都要去徑步呢 ~

早餐食腿蛋治   今次覺得好味同埋唔滯 ~

菇場唔忙   同阿花 Whatsapp 到放工   哈哈 ~

放工去買雞骨草同三文魚柳   估唔到又可以同里奧大人一班車   咁食埋午餐先番屋企喇 ~

真係覺得自己好勁   連續 3 日午餐都係魚片頭米   哈哈

   

炸魚皮 (+$5) - 我話想食炸魚皮   因為知道份量肯定唔多   里奧大人話我徑步就前功盡費喎   之後佢見到碟魚皮話咁少嘅 ?!   我話五蚊雞咋   佢以為係我平時買番屋企嘅份量呀   哈哈

咖哩牛筋腩飯 - 加幾片生菜喺飯上面   勁似食肆啲員工飯咁   哈哈

沖埋涼就休息   里奧大人就瞓咗一陣晏覺   我就睇 Youtube   睇睇下都瞓咗半個鐘   又 4 點半喇 ~

差唔多 6 點左右出發去九龍灣   里奧大人想食餈飯   我想食生煎包   不過我話豆漿大王無人就入去食啦   我見無人但里奧大人又話去食生煎包   好奇怪囉   之後佢話見我唔想食咁   我話無所謂啦   食餈飯都可以呀 ~

食完晚餐就去萬寧同屈臣氏   因為里奧大人要幫公司買嘢   估唔到屈臣氏都有 88 折   但我哋買嘅嘢係無囉   因為醫護用品無做推廣   最搞笑個收銀員都話如果有 88 折就好啦 ~

最後就幫家姐買咖啡比工人   買完再去做商場會員   企咗 20 分鐘先搞掂   頭先萬寧屈臣氏又要排隊比錢   今晚真係企咗唔少時間   哈哈 ~

搭車番屋企   抖 10 分鐘就去徑步   本身里奧大人話唔去㗎   但最後又話陪我 ~

呢兩星期隻右手有啲痛   最慘係一舉起就痛   我以為做伸展用錯力   之後里奧大人話骨火重呀   所以我即飲支雞骨草   飲完又真係無咁痛喎 ~

沖埋涼又睇 "德魯納酒店"   睇到 11 點幾都瞓喇 ~