雞扎 + 豉椒排骨飯 (外賣) ( 7-AUG-2021 )

( 7-AUG-2021  SAT )

今朝仍然會去徑步   但最搞笑里奧大人叫我唔好去囉 ~

早餐食腿蛋治   突然好想食佢呀   哈哈 ~

忙到 12 點呀   抖一個鐘就放工 ~

拎埋外賣就去家姐屋企   咁佢就唔駛滕嚟滕去喇 ~

紅油木耳

麻辣豬耳

過橋米線 (重慶三小辣)

家姐 3 點幾出去整嘢   我就陪 Berry 女啦   同埋狂煲 After Midnight ~

喺家姐屋企最舒服   完全唔駛郁   灘喺梳化睇電視   又摸下 Berry   餓又可以食雪條咁    所以喺佢屋企太耐   其實都有好大危機   哈哈 ~

好攰咁

咁嘅姿勢   似乎想瞓覺

開始瞓覺

摸佢都唔會反抗

係咪好攰呀 ?!   哈哈

又郁下又瞓下咁

濃密嘅眼睫毛

佢成日瞓下醒下   搞到我都唔敢郁呢

慘慘眼好得意呀   哈哈哈哈

我同家姐講話今日我食得好瘋狂呀   又米線又可樂又雪條   家姐話好少啫   佢好搞笑   永遠唔會話我食得多嘢   可能我哋都覺得食嘢開心啦   咁依家我哋又做運動   真係唔會好似以前咁博命食零食   反而依家鍾意運動多過食   健康到無朋友   哈哈哈哈 ~

講真   今次我同家姐做運動有減磅真係 Bonus   我哋出發點係健康   開頭一個月無瘦過   但都會照做運動   之後就開始瘦   同埋真係食唔到太多嘢   家姐瘦得仲勁   但個樣無話好乾   同埋無皺皮   可能唔係一下子瘦   係慢慢瘦   同埋我哋覺得今次做運動真係好開心   又無話要節食   同以前心態係完全唔同   老實講以前做運動係想瘦行先呢   所以有種壓力咁囉 ~

已經 6 點幾   我都番屋企喇   但就會去徑步先呢 ~

番到屋企即大清潔廁所   真係超級爆汗   今日食咁多嘢係無肥過   所以做家務減肥都唔錯   哈哈 ~

沖埋涼就等食喇   因為里奧大人 7 點幾放工   叫佢買飯番屋企食呢 ~

今晚 8 點半左右開餐   所以一定唔可以食咁飽 ~

食完抖陣都 9 點   睇多陣 Youtube 又 11 點   係時候瞓咯 ~