韭菜餃拚水餃 (外賣) ( 11-AUG-2021 )

( 11-AUG-2021  WED )

尋晚瞓得勁差呀   去咗 3 次廁所   之後個肚又扯住痛咁   好在都瞓得番咋 ~

感恩起身又精神喎   所以去徑步喇 ~

今朝去買麵包   再喺茶記單叫 1 杯熱啡   茶記哥哥好驚訝問我係咪唔叫嘢食 ?!   仲問咗 2 次   因為我多數叫套餐嘛   哈哈 ~

菇場唔忙呀   又做下 Email Filing 咁啦 ~

一開 skype   8 卦好慶咁話阿虫 A/L 次次都係前一日通知   我話無留意   佢話留意咗十幾年   之後我話你做人咪唔開心囉   人地幾時通知關你咩事呢 ?!  人地突然間有事請假唔得嘅 ?!   佢請假又影響唔到你   你咁大反應做咩呢 ?!

因為佢不嬲好憎阿虫   話阿虫好 Cheap   比利是只係 $10 一封喎   所以佢比阿虫嘅利是都係 $10   真係頂佢唔順   咁你依家都係比 $10 啦   咁你係咪一樣 Cheap 呀 ?!   救命 ~

Lunch Time 去買牛腩米就番菇場喇   感覺有啲攰   想留力今晚徑步 ~

唔忙就好喇   因為我同阿花要睇 Show Champion   哈哈 ~

好開心吵   因為 ASTRO 又贏咗 Show Champion (5,648 分)   所以會再買零食比阿花同阿妹   阿花話咁樣食法會好肥   我話我都想成日請佢食呀   哈哈哈哈 ~

放工走人   同船頭阿花一齊搭 Lift   船頭好驚訝我遲走過佢   阿花笑住話我今日佢好忙   哈哈 ~

去街市買餸同啲急凍肉   依家唔會買好多嘢   次次拎得太重   個人唔係咁舒服咁 ~

番到屋企諗住即刻預備晚餐   點知熱水爐滴水   所以即打去煤氣公司   不過聽朝先有人嚟整呢 ~

問題應該唔大   咁我都無咁驚   之後拿拿聲浸菜喇 ~

是日懶餐 - 韭菜餃拚水餃 (外賣) 

韭菜餃拚水餃 (外賣) - 今次唔買蝦滑喇   上次食完好飽   寧願留肚食生果好過 ~

洗埋碗就同里奧大人去徑步   依家多數徑半個鐘   我話最緊要出汗   行多陣都無問題 ~

沖埋涼就休息   今晚比熱水爐滴水嚇一嚇   個人真係好快勀   所以 10 點 50 分就要瞓覺   哈哈 ~