蜜汁金沙骨 + 旺菜拚金菇 ( 14-AUG-2021 )

( 14-AUG-2021  SAT )

今朝 8 點 10 分已經醒咗   梳洗之後就去徑步   再買埋吞拿魚包同燒餅比家姐就番屋企 lu～

家姐未咁快嚟   我就開機洗衫同埋小清潔屋企   之後就大清潔廁所   沖埋涼就抖下先   原來都已經 9 點 45 分   咁啱家姐話可以接我 ~

收完線就即刻換衫   之後去買早餐   無耐就見到家姐了 ~

今次 Berry 勁大力樸我又尖叫   但上星期先見完咋噃   不過我發覺如果朝早見佢   佢零舍肉緊咁架   哈哈 ~

同家姐 Share 食一個早餐   其實佢特登陪我食咋   因為佢已經食咗早餐呢 ~

我叫家姐幫我開 Youtube   之後佢即刻話要支持下   好搞笑呀   因為我上次講話睇 MV 支持 ASTRO 呀   哈哈 ~

家姐比里奧大人嘅生日利是   最搞笑我一入屋   家姐就話上次唔記得比嘢我   之後就比呢封利是喇   佢次次都好早比生日利是㗎

Berry 好鍾意食零食

好瘦咁   不過佢都有 31 磅

今朝都好乖   成朝都出嚟坐

成個男仔咁   哈哈

一見我拎包零食就即刻跑過嚟聞下

一連氣食咗 3 條   真係好鍾意食咁喎

嘩    個樣超級肉酸

佢好懶   好少用手仔拎住咬   即係只係個頭郁   哈哈

好多口水

家姐陪工人去打針   得我同 Berry 喺屋企   佢地一出門口咋   衰女喺度怪叫又嗚嗚聲   大佬   一陣人地以為我虐狗呀   好在佢嗚咗一陣就無嗚咋   唔係啲人報警就慘了   哈哈哈哈 ~

佢哋 12 點幾番到屋企   估唔到可以傾一個鐘   因為本身諗住 1 點要番屋企嘛 ~

里奧大人 1 點半放工   咁我可以坐多陣先走 ~

唔想出去食   所以我話買 Lunch 番屋企食 ~

2 點半左右開餐   今日又有自家制麵包   因為有餡   所以要當 Lunch 食了 ~

細細個嘅麵包   但就有好多餡   勁好味

ASTSO 終於喺 Music Core 嬴咗第 1 位 (8,015 分)   真係好感動呀   係佢地出道 2,000 日嘅好禮物   同埋真係覺得 AHORA 好齊心   睇佢地嘅留言   真係好支持 ASTRO   同埋佢地態度係好正面   呢樣我就最欣賞呢 ~

本來諗住夜晚出去食   因為里奧大人要幫公司買嘢   之後又話唔急住用   咁我話煮飯喇   反正都係焗嘢好方便 ~

里奧大人瞓陣覺   我就睇 Youtube   呢排唔得閒睇片   今日可以盡情睇喇 ~

今晚差唔多 8 點先開餐   仲要唔覺餓   不過點都要食   我怕半夜餓醒   哈哈 ~

是日懶餐 - 蜜汁金沙骨 + 旺菜拚金菇

蜜汁金沙骨 - 醃咗 5 條   但都係焗 2 條算喇   因為我仲好飽 ~

旺菜拚金菇 - 難得記得金菇嘅存在   所以又煮 1 包啦 ~

洗埋碗就同里奧大人一齊徑步   之後要去買零食比阿花同阿妹   買完就番屋企 lu ~

沖埋涼就休息   睇下 Youtube 咁啦   今晚又係 11 點半瞓 ~