不倒翁辣肉腸薄餅 + 雞絲拍紅油青瓜 + 韓式上海小籠包 ( 9-OCT-2021 )

( 9-OCT-2021  SAT )

瞓到 10 點半   但原來今朝係 8 號風球   不過對我無影響   因為我今日 Off   只係有啲唔開心去唔到家姐屋企啫 ~

諗住煮麵   但都打去睇下有無外賣   估唔到有   所以唔駛我煮麵喇   哈哈 ~

食完就做下家務   如果下午改發 3 號風球   里奧大人下午要番工 ~

今日要全程開住電視   要密切留意天氣情況呢 ~

下午改發 3 號   咁里奧大人可能要番工   依家仲未知點安排   唯有等啦 ~

我就仍然執衫抹嘢   之後就開機洗衫   沖埋涼要休息下 ~

3 點食下午茶   食完又執雪櫃   我最想做呢一樣嘢   雖然醬汁唔會求其擺   但硬係想拎哂啲嘢出嚟抹一抹   之後再放好去呢 ~

里奧大人公司話 4 點前改發 3 號風球就要番   但天文台報導話風球維持到黃昏前後   咁即係唔駛番工 lu ~

雖然今日去唔到家姐屋企有啲唔開心   但又好開心里奧大人陪足我成日   嘻嘻 ~

再睇天氣情況啦   又改為今晚維持 8 號風球   都唔知天文台想點   今日個風球都改咗好多次喎 ~

不過最緊要知道里奧大人唔駛番工就得喇   真係好怕等完又改   改完又等嘅感覺 ~

6 點幾先預備晚餐   但都要 7 點半先開餐   哈哈 ~

是日懶餐 - 不倒翁辣肉腸薄餅 + 雞絲拍紅油青瓜 + 韓式上海小籠包

不倒翁辣肉腸薄餅 - 之前喺 759 買㗎   我鍾意迷你薄餅   因為唔好食唔駛食咁多嘛   哈哈 ~

雞絲拍紅油青瓜 - 下午茶食剩嘅雞肶肉   今晚可以做手摲雞   唔好浪費嘛 ~

韓式上海小籠包 - 驚里奧大人唔夠飽   所以特登再蒸盒小籠包 ~

洗埋碗就大清潔廁所   抖陣再睇 Youtube ~

今晚睇到 12 點幾先瞓呀   無諗過咁夜呢 ~