Outback Steakhouse @ 九龍灣 ( 15-OCT-2021 )

家姐勁鍾意食黑糖包   佢話要自己食一個

烤肋骨雞膇芝士薯條拚盤 ($178) - 我叫家姐揀   佢又揀呢個

香煎蟹肉餅 ($72) - 啖啖蟹肉   家姐勁鍾意

烤雞肉芝士夾餅 ($118) - 家姐食先   之後話好大件雞肉   我話唔係嘛   上次食好少雞肉咋 

但今次真係好多雞肉囉   所以食到大家都好飽   本身想食甜品都食唔落

( 15-OCT-2021  FRI )

今朝鬧鐘響咗但好攰咁   所以瞓番落床   但諗諗下都係想去徑步 ~

天氣涼咗好多呀   徑步都好舒服 ~

早餐食奶醬多   呢兩次無咁乾身   所以覺得幾好味 ~

菇場超級勁忙呀   做到 Lunch Time 先停 ~

出去行咗 20 分鐘   之後都要去買鯪魚球米喇   因為開始落大雨呢 ~

仍然勁忙呀   好在放工前搞掂哂 ~

今晚同里奧大人約咗家姐去 Outback 食生日飯   佢地無咁早   所以我行下一田   好想買土耳奇無花果比家姐呀   感恩今次有呀   可以比盒家姐 ~

土耳奇無花果只係 $59/盒   所以即買 3 盒

買完搭車去九龍灣   又行陣馬莎   買咗 3 包糖比家姐   我就要 1 包   樣樣放哂落袋   其實好鬼重   因為我又袋埋送比家姐嘅 2 件 Tee   左手又拎 3 盒無花果   真係無咩力   所以去 Outback 喇 ~

我記得家姐鍾意食馬莎嘅豬仔糖

但又驚佢突然話唔想食   所以即問佢要唔要 ?!

里奧大人都成日咁話我   話成日問佢想食咩   但就自己一早諗好想食啲咩   哈哈

里奧大人差唔多 6 點 45 分到   無耐就見到家姐   可以叫嘢食喇 ~

一坐低就好似交換禮物咁   不過最緊要比生日大利是比佢   咁里奧大人都有比佢㗎   之後家姐問點解唔夾埋一齊比 ?!   我話收兩封仲好啦 ~

食食下麵包   因某啲原因要轉枱   可惜可惜 ~

食到 8 點半左右就走人   里奧大人去書局買書   我就同家姐睇記事簿   不過無佢想買嗰啲   里奧大人反而買到 3 本書   仲話好似 75 折   平過喺台灣買呀 ~

買完就行去搭車   里奧大人問家姐搭咩車番屋企 ?!   如果走咗一班車要等幾耐 ?!   家姐答半個鐘一班車   里奧大人即睇班次   原來 5 分鐘後有車   所以即刻快快腳去巴士站   好在帶家姐搭車   唔係佢會去另一個站   最搞笑係里奧大人仲緊張過佢   感恩等咗陣就有巴士呢 ~

之後同里奧大人搭車番屋企   番到去即沖涼   因為趕住睇文森佐   哈哈 ~

陳老二親手整生日蛋糕比家姐   真係勁靚呀   啲八哥好得意呀

我多數咁樣放入雪櫃

高梁酒辣味豬肉乾 ($59) & 高梁酒辣味牛肉乾 ($59) - 我記得無買牛肉乾   之後家姐話同事話好味   所以買比我食   但真係好食呀

蜜汁豬肉片 ($59) & 黑胡椒豬肉條 ($59) - 豬肉片嘅口感好好   但無咩味道

武松殿肉鬆餅 ($149) - 同家姐 Share   不過大家都仲未試

栗子燒又係同事話好食   所以又同我 Share

無啦啦又比埋盒阿一鮑魚

今晚差唔多 10 點先開始睇文森佐   但我睇到 11 點半先瞓呀   希望聽朝起到身徑步啦 ~