韭菜蘿蔔鴨血 + 照燒汁焗豬扒 + 日式炒麵 + 菜心苗 ( 10-NOV-2021 )

( 10-NOV-2021  WED )

尋晚去咗 2 次廁所   感恩起身都 OK   如果唔係會繼續瞓   哈哈 ~

今朝無咁凍喎   唔係凍一日咁多呀嘛 ~

里奧大人話尋晚都熱醒咗   我話今朝行咗一個圈要除咗件風褸喇 ~

早餐食奶醬多   但呢排又飲番咖啡   好慘囉   瞓得唔好   希望每月一到快啲走啦 ~

菇場勁忙呀   咁就精神啲喇   哈哈 ~

終於又做哂長命 Report   不過之後仍都要做煩嘢   又要搞半日了 ~

Lunch Time 出去行大運   之後買牛腩河番菇場食   今次扣底真係得好少河粉   不過算啦   河粉好肥   哈哈 ~

做呀做   真係頭都暈 ~

里奧大人唔舒服   番咗屋企休息   咁我都要快啲做埋啲 Urgent 嘢   放工就可以準時走 ~

番到屋企要即煮嘢喇   今晚都好簡單   7 點唔夠就食得 ~

是日晚餐 - 韭菜蘿蔔鴨血 + 照燒汁焗豬扒 + 日式炒麵 + 菜心苗

韭菜蘿蔔鴨血 - 就咁食麻辣鴨血好寡   尋日特登買韭菜同白蘿蔔   之前勁想喺街食韭菜豬紅㗎喇   所以今晚食到好開心呢   哈哈 ~

照燒汁焗豬扒 - 759 買嘅無激素豬扒   估唔到肉質又 OK 喎   特價 $25 都好抵食   幾年前買新鮮豬扒都要 $10 塊   我估依家唔止喇   咁我寧願食急凍豬扒 lu ~

日式炒麵 - 1 pack 兩包嘅   今次用 1 包味粉再加不倒翁炒麵醬   里奧大人話好味   同埋聽日蒸完應該無咁乾身 ~

菜心苗- 依家剪到細細條   我鍾意咁樣食法呀 ~

洗埋碗就自己去徑步   今晚天氣都唔凍喇   就咁短袖都可以了 ~

開機洗衫就沖涼   再睇多次 "勝利號"   終於知道講咩   哈哈哈哈 ~

睇到 11 點都自己瞓先喇   其實算遲   因為我最想 10 點 45 分就瞓呢 ~