南洋餐廳 @ 佐敦 ( 12-NOV-2021 )

咖哩脆皮牛腩飯 ($45) - 呢期里奧大人好鍾意食咖哩同牛腩   呢個脆皮牛腩好食呀

香葉辣肉碎煎蛋飯 ($48) - 好味喎   同埋無諗過下午茶餐係咁多飯

(+$12) 越式春卷 (1條) - 新鮮炸起   所以真係要灘凍先食

石榴子椰汁冰 (+$7) - 飲品一般

 開餐

( 12-NOV-2021  FRI )

今朝瞓到 9 點半自然醒   基本上里奧大人起身   我都會起身   之後問佢幾點   佢點都唔會答㗎   只係話快啲瞓啦快啲瞓啦   係都想我瞓多啲   好搞笑 ~

食完早餐抖陣就沖涼   之後就出發去大潭水塘喇 ~

12 點 10 分開始行   今日天氣都 OK   最緊要唔焗就可以了 ~

防曬裝備唔少得

平日關係   所以唔多人   咁就啱哂我哋喇   哈哈

大潭郊野公園

最驚聽到槍聲

今日非常好天   感恩感恩

坐喺度休息更熱   哈哈

真係好鍾意行大潭   交通方便   地方又乾淨   最緊要沿途有兩個洗手間   又係乾淨㗎

里奧大人話飲一啖已經無咗一半

今日郊區火警訊號 "極高"

金督馳馬徑

我飲寶磺力   因為之前買咗   再唔飲唔知幾時會飲   哈哈哈哈

行大潭真係勁舒服   里奧大人今朝仲約埋家姐下次一齊行添呀

我話企前面影相    里奧大人以為我話企上去影相

影影子   哈哈

1 點 15 分行到涼亭位置   咁就食麵包又抖下先 ~

次次去洗手間必定要洗多兩次手   因為啲水實在太冰涼喇   洗完手之後真係成個人冰凍咁㗎   好鬼正   哈哈 ~ 

第一次見個涼亭無人

山崎買嘅迷你包 ($18/6 個)

米奇老鼠上身

我件衫就差唔多乾哂   今日坐呢個亭覺得好凍呀   要即戴絲巾同埋著件風褸   唔係好易攝親

落斜

難得又無人   所以又同里奧大人自拍

好寧靜好舒服   因為無人   哈哈

水霸都有唔少魚

我初初以為係枯枝   再望真啲原來全部係魚

有唔同嘅品種

 

我戴黑超行嘛   離遠見到有嚿嘢行緊埋嚟   唔似人又唔似狗   原來係野豬 ~

我離遠睇就係咁嘅樣   打直一嚿嘢咁   哈哈

佢行埋蔭暗處   真係會完全唔覺佢存在

應該走失路

我叫里奧大人影埋我嘅影子   哈哈哈哈   我係舉高雙手的

里奧大人話我行得快   因為平時我喺佢後面   但今次我喺佢前面   我好惑恩呀   始終我仲係每月一到   仲諗住無咩氣力咁呢 ~

同埋話我唔駛抖   反而今次我叫佢抖下   咁佢背囊又裝咗 3 支水   點都辛苦過我呢 ~

3 點 05 分行完   諗住去洗手間   點知我見到架小巴去柴灣地鐵站   所以都即上車喇   好難得見到小巴   更加難得剩番兩個位   所以好感恩呀 ~

坐地鐵去到尖沙咀   都已經 4 點喇   路經 K11 要去換件 ASTRO 衫 ~

行去半島酒店對開嘅巴士站   但已經唔係 ASTRO 廣告牌   所以再行去 Park Lane   感恩廣告牌仍然喺度呀 ~

無咩人行   廣告牌又向街內   所以好乾淨   我影咗半個鐘呀   始終個牌轉嚟轉去要時間呢 ~

感激里奧大人陪我顛      

MY ASTRO

今日真係超勁開心   影咗超多張相呀   感激里奧大人好有耐性等   佢好鍾意 Sanha 㗎   我差唔多影完   佢叫我去 Sanha 嗰邊影呀 ~

阿花話我放假個樣特別爽   同埋笑得好開心   我話因為見到 ASTRO 嘛   哈哈 ~

我成日叫佢哋做 "大寶貝"   哈哈哈哈

都差唔多行到佐敦   無理由行番去尖沙咀食嘢嘛   諗住去上次間日本食店   不過佢地 6 點先再開   咁唔等 lu ~

再周圍睇下有咩好食   見到間 "南洋餐廳" Menu 唔錯咁   所以入去食喇 ~

今晚 5 點 15 分食晚餐   其實係下午茶餐   哈哈 ~

我等緊嘅時候   我聽到應該係 ASTRO 嘅歌   但始終初出道嘅聲比較難認   同埋都差唔多係尾聲   之後食緊嘅時候   真係播 Crazy Sexy Cool   咁肯定佢哋識 ASTRO 啦   香港無咩人識嘛   除咗車銀優   所以我忍唔住問佢哋係咪識 ASTRO 呀 ~

不過佢哋係唯飯   我係團飯   但我都好開心佢哋都鍾意 ASTRO   哈哈 ~

我同里奧大人講話行埋裕華先番屋企   佢話唔行   我以為講笑   但原來係真   因為佢話好攰唔想行呀 ~

番到屋企即沖涼   之後休息喇 ~

睇下 Youtube 又 11 點幾瞓   好在聽日 Off 咋 ~