豆豉鯪魚炒意粉 + 豆豉鯪魚炒油麥菜 + 麻醬青瓜 + 馬拉糕 (外賣) ( 8-NOV-2021 )

( 8-NOV-2021  MON )

尋晚瞓得麻麻哋   其實呢排都係   我估應該係熱氣   牙肉腫咗呀 ~

早餐食奶醬多   唔想咬咁耐 ~

菇場勁忙   仲要係肥仔蠔啲煩嘢   我講明今日肯定做唔哂   千奇唔好催我呢 ~

Lunch Time 一定要出去行   買埋粉果炒麵就番菇場喇 ~

仍然超級勁忙   做到有啲胃痛 ~

放工即走   好唔想對住啲 File 呀 ~

番到屋企都即預備喇   今晚要啲時間煮   哈哈 ~

是日晚餐 - 豆豉鯪魚炒意粉 + 豆豉鯪魚炒油麥菜 + 麻醬青瓜 + 馬拉糕 (外賣)

豆豉鯪魚炒意粉 - 上次上網介紹間餐廳有豆豉鯪魚炒意粉   里奧大人話去食   我話八十蚊唔抵啦   所以今晚特登整比佢食   難嘅就無本事整   但呢啲罐頭嘢就無問題啦   哈哈 ~

豆豉鯪魚炒油麥菜 - 一魚兩食   所以呢個菜無咁多豆豉鯪魚   里奧大人話無咩味   我話唔會開兩罐整架   依家油麥菜又係貴哂   呢度 2 棵要十蚊雞呀 ~

麻醬青瓜 - 家姐教我麻醬加指天椒   話咁樣辣辣地無咁滯   同家姐打邊爐   佢都鍾意咁樣蘸牛肉   咁都好好味㗎 ~

馬拉糕 (外賣) - 已經想食兩個月咁耐喇   終於見到有   所以即買呢 ~

洗埋碗抖陣就去徑步   出街好凍呀   要著風褸先得 ~

番到屋企開機洗衫   之後沖涼   今晚沖熱水涼真係好舒服喇   哈哈 ~

我問里奧大人搽完未 ?!   佢答我差唔多搽哂   之後我笑住話   其實我係問你啲花生醬搽哂未   咁啱我問佢嘅時候   佢搽緊 Cream   佢話可唔可以下次講咗個主題先呢 ?!?!   哈哈 ~

睇埋 "勝利號" 大結局   最尾有 Part 都好感人   又令到我喊   之得唔搽 Eye Cream 啦 ~

今晚 11 點鬆啲都瞓   凍凍地好想快啲入被竇 ~