梅菜蒸排骨 + 蠔汁昆明生菜 ( 12-JUL-2022 )

( 12-JUL-2022  TUE )

尋晚半夜去咗 1 次廁所   如果唔係就可以一覺瞓天光啦 ~

今朝早咗一班車   咁去麥記買早餐   當食新嘢㗎喇   哈哈 ~

原來個袋已經爛到咁   好在安全到達菇場咋

菇場唔忙呀   但個人有啲攰咁 ~

今朝阿輸同阿怪講   問佢做咩直接將要修改嘅問題 Email 比 System 老闆 ?!   阿輸話有嘢要同小說同毛重講   因為佢哋係統籌   唔好直接搵人地老闆講 ~

我去到 Pantry 見到阿輸   同佢講係妳 EQ 真係好勁   佢話對住阿怪真係命都短幾年   事實又係   阿怪做埋啲嘢真係令人好討厭   好在我唔係同佢同部門咋 ~

Lunch Time 出去一田行下   本身買 4 個龍蝦味杯麵   但見好抵   所以又再買多 4 個   哈哈 ~

番到菇場就食即食烏冬   但份量真係少到爆   我估男人真係兩啖已食得哂   阿花話之前都買咗   佢仲買得平過我添呀   所以一田激減都唔係抵   哈哈 ~

唔忙啦   但有啲眼瞓   唔知係咪頭先出街   因為我一流汗就好易眼瞓 ~

放工即走   同里奧大人一班車   咁可以幫手拎杯麵 ~

番到屋企即預備晚餐   但都要接近 7 點先開餐 ~

是日懶餐 - 梅菜蒸排骨 + 蠔汁昆明生菜

梅菜蒸排骨 - 上次執雪柜見到梅菜   我先醒起有梅菜   所以即刻整呢個餸喇   里奧大人食嘅時候話好多都係骨   我話將啲肉留比佢帶飯呀   不過事實真係得 10 件排骨左右   仲要分兩餐   但我鍾意食梅菜   唔食排骨都無問題架 ~

蠔汁昆明生菜 - 加埋尋晚剩咗嘅冬菇   當堂無咁悶   哈哈 ~

洗埋碗抖陣就同里奧大人跳舞   今晚最盡都係跳 1.5 Part 呀   因為大家都好攰 ~

沖埋涼就睇陣 Youtube   我今晚 10 點半都瞓覺先喇   真係攰得好緊要咁呢   哈哈 ~