韭菜鍋貼 + 招牌鍋貼 & 麵線套餐 (外賣) ( 13-JUL-2022 )

里奧大人問我有無食到麵線 ?!   我話無喎   佢話少咗咁多料以為我食咗   不過今次真係少咗料   同埋芫茜都無   又幾似我食咗嘅   哈哈

( 13-JUL-2022  WED )

尋晚又去廁所   但感恩係好快瞓得番呢 ~

早餐食吞拿魚治烘底   今次好多餡呀 ~

菇場忙呀   但又同阿花係咁 Whatsapp   因為傾開唔想停   哈哈 ~

Lunch Time 出去行下   同船頭講話唔知係咪條街太熱   呢兩日晏晝勁想瞓覺   佢話佢都係咁   但其實應該係本身眼瞓喎   哈哈哈哈 ~

終於又買咗嘢比里奧大人同事   之後再行多陣   買埋牛什米就即番菇場   因為已經 12 點半喇 ~

行完街真係唔好食濕粉麵   我一路慢食都一路出汗   要用風扇仔吹凍啲米粉先入口   哈哈   真係有冷氣都唔掂呀 ~

唔忙就最好啦   因為我 4 點要走人呢 ~

準時 4 點放工去里奧大人公司   今日佢同我都要洗牙   咁等埋佢放工就同佢一齊行去診所 ~

去到公司就見到勁哥   又同佢傾陣偈   佢問我嚟做咩 ?!   我話洗牙   佢話真係㗎 ?!   今日真係好搞笑囉   我同 8 卦同阿花話今日放 4 點去洗牙   佢哋又話: 真㗎 ?!   我話呃妳哋做乜鬼呀   因為我成日同 8 卦 Skype   佢成日問我係咪堅㗎 ?! 真係㗎 ?!   反而我整鬼佢   佢又當真咁信   連家姐都成日話真係㗎 ?!   所以我真係要檢討下自己    哈哈 ~

之後見到阿妹   又傾下偈   差唔多 5 點就同里奧大人去診所喇 ~

去到診所等咗一陣就到里奧大人   我聽唔到洗牙嘅聲音   都已經覺得佢又有問題出現啦   點知真係有問題   佢成個樣無哂心機咁行出嚟 ~

輛到我入去啦   醫生問今日嚟做咩 ?!   我話洗牙   佢話唔駛洗喎   我話又唔駛洗 ?!   三年無洗喇喎   之後佢再叫我張開口   話想挑粒牙石都無   真係唔駛洗呢   姑娘話你係都想比錢我賺   但我哋真係賺唔到   哈哈 ~

不過我要脫最入嗰隻智慧牙   因為蛀到黑哂   醫生話脫咗就一了百了   但今晚脫就要等麻醉藥過咗先食嘢   咁我話下次先脫呢   最後照埋 X-Ray 就走人 lu ~   

里奧大人要杜牙根   仲要去專科   所以真係好麻煩   佢話次次陪我反而佢先大問題   不過佢之前都話啲牙痺痺哋驚蛀牙   所以佢都 Check 下咁呢 ~

頭先勁哥都講   里奧大人喺屋企係最細   佢阿媽又大年紀生佢   所以基本上都無咩營養比到佢   更何況鈣質呢 ~

搞掂哂就搭車番屋企   今晚唔想食飯   所以買餃子喇 ~

食完就沖涼   因為教會姊妹有事搵里奧大人傾   咁唔跳舞喇 ~

姊妹話要 10 點左右先得閒傾   咁同里奧大人一齊睇 "盡情吃 用力愛" 啦   睇咗 40 分鐘就打嚟傾嘢   咁我轉睇 Youtube 呢 ~

傾到 11 點   本來我正想瞓覺   但到我同里奧大人傾傾下   變咗 11 點幾先瞓覺呀 ~