焗午餐肉 + 菜心苗 + 忌廉蘑菇湯 ( 18-JUL-2022 )

食剩一大碟午餐肉   好在可以留番咋

鹹水角 & 豆沙煎堆 - 買完又唔想食   不過最後都食咗件鹹水角   唔係又比里奧大人鬧㗎喇

   

( 18-JUL-2022  MON )

感恩一覺瞓天光呀   話哂今日星期一   番工係要精神啲咁嘛 ~

早餐食吞拿魚治烘底   依家仲係覺得好好食   希望唔好咁快食厭啦 ~

菇場忙呀   咁就似番工喇   哈哈 ~

Lunch Time 出去一田買蘋果   忍唔住買咗罐泡菜同蘿蔔 ~

買埋腸粉燒賣   今日食到眼光光   因為真係好滯   有啲後悔   哈哈 ~

呢包紐西蘭蘋果仔好似好正咁   所以買包嚟試下

2 點全人類開會   今日 3 點半開完   算快啦   其實都唔知佢講乜   越講越亂   唉   個個都話聽到好眼瞓 ~

里奧大人 2 點半去杜牙根   感恩過程順利   感謝主   里奧大人話打麻醉藥都唔痛   佢之後仲瞓着咗呀   杜牙根過程係 1 小時 10 分鐘   我覺得都算耐㗎喇  ~

放工即走   去埋買零食比家姐就即番屋企喇 ~

今日 759 做促銷價只係 $5.9/包   所以問家姐要唔要 ?!   佢話佢自己買就得   但我話幫佢買啦   佢話買 2 包比自己 2 包比工人   咁我都買包比阿花同阿妹   佢哋都話呢包嘢好食   之前家姐個工人又係鍾意食   其實呢包嘢好似 759 開張嘅時候已經有   嗰時都成日買嚟食呢

雪櫃勁凍   我之前買嘅蘋果同啤梨全部結哂冰呀   真係激死我   咁呢兩包南記辣椒醬仲脹到咁   第一次見到咁咋

今晚接近 7 點先開餐   本身里奧大人話唔好煮   但我話要清咁啲蔬菜   所以一定要煮呀 ~

我都只係煮個泡菜比里奧大人食算喇   因為我份午餐仲未落格   食菜同三色椒都夠哂飽 ~

是日懶餐 - 焗午餐肉 + 菜心苗 + 忌廉蘑菇湯

焗午餐肉 - 之前買咗三色椒   真係點都要食㗎喇   所以同埋午餐肉一齊焗   最後加啲生薑燒汁就搞掂 ~

菜心苗 - 星期六買咗 1 斤   今晚都煮少少嚟食 ~

忌廉蘑菇湯 - 之前買午餐肉送㗎   都擺到就來過期   所以又要清埋去啦 ~ 

洗埋碗就開機洗衫   之後即沖涼喇 ~

里奧大人熨衫   因為我又手痛呀   佢就會好主動幫手 ~

今晚 11 點左右都瞓覺   星期一係特別早瞓啲   哈哈 ~