夫妻肺片套餐 + 水煮魚套餐 (外賣) ( 9-JUL-2022 )

夫妻肺片套餐 - 都好味道喎   仲可以留番碗白飯   始終太夜食   唔想食咁多嘢

水煮魚套餐 - 里奧大人揀水煮魚   話我少食魚   家姐又係估水煮魚   都係話我少食魚   哈哈   無計啦   好怕比魚同蝦吉到呀   所以依家唔敢買囉   只可以食急凍嗰啲

( 9-JUL-2022  SAT )

尋晚夜瞓仲要不斷發夢   今朝里奧大人又無熄鬧鐘   如果唔係可以直接瞓到 8 點   唉 ~

早餐食吞拿魚治烘底   家姐問做咩咁豐富 ?!   我話呢期真係好唔想食奶醬多   哈哈 ~

菇場唔忙啦   又係同阿花 Whataspp 到放工   好在同佢同 Team 時間番工   可以陪下我 ~

放工買埋外賣就番屋企   里奧大人食完都番工   我抖陣就沖涼洗頭   咁一陣可以上床瞓覺 ~

4 點瞓咗半個鐘   好在瞓到咋   唔係今晚肯定無精神番學 ~

出發前再沖多次涼   因為頭髮歪埋一邊   點吹都唔得呀   一定要洗頭囉   激死我 ~

番學前又忍唔住買咗 6 罐西柚果汁比里奧大人   實比佢鬧死   因為又買重嘢   哈哈 ~

今晚準時放學   買埋晚餐都即番屋企喇   奇怪行行下覺得好攰咁   明明番學無咁攰嘛   之後醒起拎住 6 罐西柚汁   唔攰有鬼   哈哈 ~

食完抖陣先沖涼   都差唔多 10 點了 ~

又想郁下   所以一路睇 Youtube 一路熨兩機衫   仲有一機就比里奧大人熨喇 ~    

今晚 11 點半都瞓   可能今日頻頻樸樸有啲攰咁呢 ~