香蒜肉絲意粉 + 拿破崙蘑菇腸片焗飯 ( 10-FEB-2024 年初一 )

一次過焗埋啲薯角同雞翼   呢個名堂叫年年有餘呀   哈哈哈哈

( 10-FEB-2024  SAT )

今朝里奧大人要番工   所以 7 點半都要起身喇 ~

因為年初一好少食店開   我話喺屋企食仲好 ~

早餐食 Pizza 同薯角   人生第一次食呢個組合嘅早餐   哈哈 ~

食完就去里奧大人公司喇   陪阿妹食早餐   之後做嘢   但食 Pizza 好熱氣呀   搞到我個人超級攰添 ~

里奧大人公司好多綠色植物   所以好鍾意去佢公司

里奧大人 1 點放工   咁啱家姐又出咗門口   所以我哋都即去麥當勞買午餐去婆婆屋企食喇 ~

本來諗住約埋剪髮表妹食埋午餐先去婆婆屋企   但佢 3 點要走   所以話喺婆婆屋企一路食一路傾仲好喎 ~

去到婆婆屋企   原來剪髮同大食表妹已經到咗   之後細表妹都嚟埋   都唔知再幾多點   大舅父舅母同大眼表妹又嚟埋   當堂覺得好熱鬧   哈哈 ~

里奧大人食黃金脆薯牛堡餐   家姐食豬柳蛋漢堡餐   我就咁單叫魚柳包   家姐同剪髮表妹話食牛堡好煩   因為好多汁   但我話喺婆婆屋企食就無問題   點漏汁都唔驚啦   隨時可以洗手嘛   哈哈

最開心意見到全盒   因為我屋企無擺㗎   今年家姐話比瓜子我   我都唔要喇

我同剪髮表妹最鍾意食芒果糖   因為好煙韌呀

剪髮表妹每年都送禮物比兩個表妹嘅女   仲每次都好有心思呢

之後齊齊傾偈   剪髮表妹講佢公司啲嘢   笑到個個肚痛   真係好難想像會有咁情況發生 ~

家姐叫剪髮表妹買 Coupon   咁要過數比佢嘛   問佢有無轉數快 ?!   但成日傾到唔記得講咗咩   之後細表妹個女同家姐講   話妳已經問咗 3 次喇   哈哈哈哈   笑死我呀 ~

剪髮表妹 3 點半要走   咁就同大眼表妹傾下偈啦   傾到有啲 Sad   所以話下次再約成班老表一齊出嚟食飯   但次次講都係約唔成   到人齊就係年初一   哈哈 ~

差唔多 4 點都走喇   我哋陪家姐行到地鐵站   之後佢去整嘢   我同里奧大人就行 Aeon 喇 ~

今年買水怪利是封   里奧大人話有用咩 ?!   我話你同家姐每年生日利是都用特別嘅利是封㗎   不過我話叫佢哋唔好整爛   到我生日就可以循環再用   哈哈

呢個靚   但得 4 個咋   所以唔買

情人節要送花   但唔好送比我    哈哈哈哈 

"百無"   哈哈哈哈

喺 Big C 試食   食完喉嚨勁痕呀   我好多時食爆谷都會咁

7-11 買嘅特濃朱古力雪糕 ($10)   里奧大人想食好耐   但唔係間間 7-11 都有呢

番到屋企就開機洗衫   搞掂就抖下 ~

今日我比咗封利是比家姐 姐夫同 Berry   我真係以為自己每年有比 Berry 女添   真係勁樣衰囉   咁姐夫之前買咗件褸   我其實想送比佢   不過我話比錢   佢哋一定唔會要   咁依家好喇   順勢可以比埋佢   不過其實佢買唔買   我都決定今年開始要比啦       

家姐比我同里奧大人嘅利是   同埋我嘅生日大利是

婆婆舅父阿姨嘅利是

剪髮表妹送比我同家姐嘅新年禮物

家姐比埋我食   話唔想拎喎   不過其實我都會比番佢   因為我覺得佢工人會鍾意食呢   

炸雞皮單買 $16.9/包   但買 3 包就 $50   里奧大人話一定買 3 包   哈哈   我會比原味比細細聲   因為佢話未食過呢啲咁邪惡嘅食物   所以我話買包比佢食

今晚 7 點先開餐   又係食番尋日食剩嘅嘢 ~

是日懶餐 - 香蒜肉絲意粉 + 拿破崙蘑菇腸片焗飯

香蒜肉絲意粉 - 我勁鍾意食㗎   但里奧大人就唔鍾意   話因為無汁喎 ~

拿破崙蘑菇腸片焗飯 - 呢個飯真係十級難食   之前都食過   個飯腍過糊仔咁   所以其實我尋日都想叫阿妹唔好叫   不過費事啦   可能有人鍾意食嘛   但連里奧大人都話超級難食   咁就一定要信佢㗎喇   哈哈 ~   

洗埋碗就沖涼休息   之後睇花車巡遊   睇完又睇下 Youtube 同打機 ~

今日出咗去一日有啲攰   所以 10 點 45 分都瞓覺喇 ~