乳豬拚盤 ($158) - 乳豬皮唔脆嘅
芝士焗澳洲龍蝦伊麵 ($398) - 無食呀
西蘭花炒帶子蝦球 ($158) - 一般啦
龍躉兩味 (翡翠炒球 & 清蒸頭腩) ($338) - 食咗少少 因為想食魚 哈哈 清蒸頭腩就無影到呀
脆炸香蝦骨 ($138) - 加埋都唔知有無兩塊豬扒 超級唔抵食咁喎
脆皮燒雞 ($220) - 好鹹
秘制欖角骨 ($128) - 無食呀
蒜蓉炒豆苗 ($118) - 都係食咗少少
( 9-FEB-2024 FRI )
今朝 6 點半醒醒哋 諗緊做唔做運動好 但諗諗下都瞓着咗 哈哈哈哈 ~
鬧鐘未響都起身 好在已經係 7 點 20 分 今朝唔駛煲薑茶 咁就做咩都慢慢嚟喇 ~
今日放 1 點 所以同里奧大人出去食早餐 要食飽啲 ~
菇場唔忙啦 個個等 1 點放工 ~
好在今日無嘢做咋 唔係一定唔可以準時放工 ~
今日約咗里奧大人班同事一齊食 Lunch 我都要搭的士去佢公司 佢哋本身 12 點半食飯 為咗就我所以改 1 點 15 分 所以我都唔想遲到呢 大家就可以 1 點半開餐 ~
我叫佢哋唔好開住 等埋我影張相先開 哈哈
我嚟到嘅時候 阿妹話里奧大人出咗去攞貼紙 我以為佢想每個人嘅汽水罐都做記認 原來佢係去 Pizza Hut 拎 Anya 貼紙比我呀 勁感動啦 里奧大人番嚟好激動咁話職員話無哂貼紙 哈哈 KK 聽到我哋對話 佢話佢係喺個盒度拻出嚟 之後話比埋佢嗰兩張比我 我話唔駛啦 我都試下拻出嚟 感恩比我拻到 哈哈
開餐喇
叫咗 3 個大枇套餐 夏威夷大厚批 & 至尊手工酸種薄批 & 意式風情大厚批
墨西哥芝士球 & 香蒜肉絲意粉 & 芝士焗菠菜蘑菇長通粉
焗白汁煙肉薯蓉
脆薯角 & 雞翼原味 & 雞翼辣味各 8 隻
酥脆蝴蝶蝦 8 件
蒜蓉包 - 好耐好耐無食 仍然係好好味
呢餐係我主動話請食嘅 里奧大人就喺佢哋部門嘅 Whatsapp 群組誠邀佢哋 之後佢話已經有 2 個 "忠粉" 第一時間報名 其實係阿妹同榴槤 最開心知道榴槤本來放假都特登番嚟襯熱鬧呀 因為我本身都預埋佢嘛 我話得兩個出席都要搞呀 哈哈 ~
之後里奧大人叫埋容姐 佢話你太太成日嚟幫手 佢哋請番我食先啱呀 所以好感恩佢哋好錫我 真係次次有嘢食 真係預我唔預里奧大人㗎 ~
咁里奧大人上司今日都有番工 咁當然叫埋佢啦 我之前都同里奧大人講話 今日邊個喺度就叫邊個 唔夠我再加多個餐之嘛 ~
今日總共 11 個人出席 佢哋多謝我請食飯 我話多謝佢哋咁比面就真啦 咁阿妹話下年再請 我話無問題啦 但大前題係我可以放早先得 哈哈 ~
本身呢餐接近 $1,000 依家 $983 搞掂 因為醫師幫手落單 所以用埋佢嘅優惠 咁我都同阿妹講要麻煩佢幫我落單 始終佢哋想再加單就加 唔駛問我 如果我落單 我要問嚟問去咁仲煩囉 ~
我同阿妹講話今朝仲比咗里奧大人 $1,120 記得提我叫佢回水呀 ~
食下傾下 話咁快就 2 點 45 分 但佢哋 3 點放工 其實個個都準備走了 哈哈 ~
食唔哂啲 Pizza 同飯 咁我一早話食唔哂就我拎走 但里奧大人頭先話今晚同姑奶食晚飯 所以睇有無其他人要囉 但佢哋個個今晚都出街 咁我都拎番屋企啦 唔好浪費嘛 ~
搞掂就同里奧大人坐巴士去維園行年宵 對上一次行係 2020 年 當時因為疫情關係 只開濕貨灘位 仲要係得好少開檔 諗起都傷感 ~
今年再行已經回復昔日熱鬧喇 開心開心 ~
個天都暗暗哋 但感恩無落雨呀
最鍾意睇食物
喺曼谷買都貴 喺香港買更貴 要忍一忍手 哈哈
里奧大人無啦啦話係我家鄉的味道 哈哈
買咗芒果糕 & 紫薯糕 里奧大人話咁快買到嘢 我話因為唔想番轉頭嘛
好想食糖蔥餅 但實在太飽食唔落
買咗 5 包海蜇
都有唔少人 但行起上嚟唔算係好迫
行行下 見到有 3 個人食件香蕉糕 之後表情係乸埋口臉 我忍唔住問怇哋係咪好難食 ?! 佢哋話係 再話唔係咁啱佢哋口味 我再問煙唔煙韌呀 ?! 佢唔識答點為知煙韌 哈哈哈哈 ~
呢期最愛嘅蠟筆小新
之前買咗個水怪銀包仔都唔知點用好 所以見到小新同小白銀包仔都唔買喇
依家真係忍到手 同埋真係唔知自己會鍾意佢幾耐 ?! 所以唔買最好 哈哈
好得意呀 哈哈
我鍾意水怪 但一定唔會買公仔
我買嘢比錢嘅時候 里奧大人就拎幾張銀紙比我 之後用完 佢又拎幾張比我 佢話人多地方叫我唔好拎銀包出嚟 我話咁樣好有旅行 Feel 呀
有陳皮薑呢啲 不過里奧大人話唔食
最後我買咗 2 包柚皮 ($50)
行完乾貨就睇濕貨 咁唔買都睇下嘛 哈哈 ~
好靚嘅蘭花
我唔係咁認識啲花 但見到好多都好靚呀
呢期仍然鍾意紫色
接近 5 點都走人 同埋開始人多喇 希望一陣唔塞車啦 哈哈 ~
下年再見
經過惠康就買薯片 之後睇巴士 Apps 係等 7 分鐘就有車 但等呀等 等咗半個鐘都仲未有車 所以轉搭地鐵喇 ~
番到屋企抖下 之後又出發去百樂門 今晚同九龍姑奶們食晚飯 因為姑奶團年飯無嚟 所以想今晚一齊食呢 ~
芒果糕 & 紫薯糕 其實唔係難食喎 我覺得比我想像中好食添 因為口感有少少煙韌 不過就真係比較甜 同埋唔係個個都頂到香蕉糕陣味 哈哈
Book 咗 8 點 我哋去到啱啱好 食下傾下 其實我都食唔落 我雖然食咗 1 件 Pizza 同少少意粉 但都覺得好滯下 加上又食埋件香蕉糕 所以全程又係講多過食 哈哈 ~
水姑差唔多 9 點先到 同佢傾多陣偈都走喇 因為走咗班車要等半個鐘 同埋佢成日遲到 咁等佢自己慢慢食啦下 ~
番到屋企即沖涼休息 雖然今日出咗成日街咁 但又唔係好攰 可能食得飽有氣力呀 哈哈 ~
榴槤送咗呢個袋仔比我 話我鍾意着黑色衫 所以買比我襯黑色衫 真係太客氣啦
$39.8/2包 家姐話超級抵 所以買 4 包
頭先喺維園買嘅食物
.jpg)
難得連續幾日假期 所以同里奧大人睇 "繁花" 劇情都幾緊湊 所以一睇睇到 11 點 45 分先瞓覺呀 ~
沒有留言:
發佈留言