豆豉鯪魚炒苦瓜 + 蒜蓉蒸節瓜粒 ( 10-JUN-2026 )

( 10-JUN-2026  WED )

尋晚半夜去完廁所   感恩好快瞓得番呀 ~

之後我郁一郁   但係濛濛瀧瀧   聽到里奧大人話鬧鐘響咗喇   如果未響都可以繼續瞓   講完又再瞓番   但好奇怪囉   無啦啦同我講嘢   不過我無應佢呀 ~

咁到鬧鐘響啦   佢話發夢同人講好攰呀   仲話鬧鐘未響會繼續瞓   我話知啦   我當時都覺得好奇怪會無啦啦同我講嘢   哈哈 ~

今朝里奧大人去買早餐呀   等佢買完就一齊去佢公司   食完坐陣先番工呢 ~

菇場忙呀   開心開心 ~

Lunch Time 蒸完飯就出去買苦瓜同埋買麵包   之後再行下先番菇場開餐 ~

同船頭傾偈   咁講起老闆   佢其實真係對所有員工都好好   仲做咗件令大家都好感動嘅事   我同里奧大人 家姐同朋友講呢件事嘅時候   佢哋都話老闆真係超級好呢 ~

忙下停下   好快放工 ~

番到屋企都即刻預備晚餐   里奧大人 6 點半番到屋企   但要等陣先食得呀 ~

是日晚餐 - 豆豉鯪魚炒苦瓜 + 蒜蓉蒸節瓜粒

豆豉鯪魚炒苦瓜 - 買咗 2 個大釘   我覺得下次買 1 個都夠   里奧大人話做咩無豆豉鯪魚咁嘅 ?!   我話有㗎   可能炒得碎得滯呀 ~

蒜蓉蒸節瓜粒 - 之前買咗就要食喇   所以今晚食瓜都食飽   哈哈 ~

洗埋碗抖陣就同里奧大人去做機   今晚其實真係有啲攰唔想做   但最後都係去做   覺得郁下都好吖 ~

開埋機洗衫就沖涼   之後一齊睇 "低智商犯罪"   終於睇哂成套劇喇 ~

睇多陣 Youtube   今晚 10 點半都瞓覺 lu ~