蠔油燜旺菜豬腩片 ( 4-JUN-2026 )

 

( 4-JUN-2026  THU )

感恩又一覺瞓天光呀   臨醒之前發咗個夢   我朝早去咗里奧大人公司   佢哋全部同事都叫早餐食   我話我食咗   但佢哋早餐嘅餐單好似係中午飯咁   阿妹叫個炒五花腩飯   細細聲又叫個唔知咩飯   之後阿有食緊飯   我問佢早餐食飯 ?!   佢話係呀   所以一日只食兩餐   之後鬧鐘響 lu ~

今朝都係里奧大人去買早餐   買完就去佢公司喇   呢幾朝都出去食   咁樣我可以抖下   哈哈 ~

番到菇場就即刻洗杯   點知 Pantry 抹手紙用哂無人換   船頭話肯定係溫總   因為佢個人係好自私囉   我用剩兩張都換新啦 ~

溫總終於番工啦   頭先我番埋位   已經聽到阿爽好勞氣咁同佢講明唔明 ?!   講咗幾次仲未明 ?!   之後到佢問阿齋嘢   阿齋話都叫妳唔駛做咯   Email 都出咗唔駛做啦   妳做咩仲問 ?!   佢話未睇 Email   呢句絕啦   睇咗唔明再問都接受   唔睇就係咁問就煩啦   同埋呢樣嘢唔係第一次咁   真係頂佢唔順 ~

諗住抖下   點知肥仔豪叫我做啲 Urgent 嘢   不過咁都好   忙咗 1 個鐘就搞掂 ~

Lunch Time 蒸完飯就出去萬寧買積熱清   買完再行惠康   諗住走啦   一轉身就見到船頭   咁再一齊行下 lu ~

忙下停下   溫總入西瓜房傾咗好耐   阿齋話肯定投訴啦   之後西瓜就叫阿爽入房   傾咗 20 分鐘   不過傾又點吖   兩條友絕對唔係管理人才   如果唔係點會發生又發生都仲未解決 ~

放工即走   今晚一煲過搞掂   不過都要 6 點 45 分先開餐 ~

是日晚餐 - 蠔油燜旺菜豬腩片

蠔油燜旺菜豬腩片 - 清埋尋晚半棵旺角   所以煮呢個餸喇 ~

洗埋碗抖陣就同里奧大人去做機   今晚最多做半個鐘呢 ~

開埋機洗衫就染髮   搞掂就沖涼喇 ~

易姐煲嘅蓮子紅豆沙   里奧大人覺得好食   所以特登拎碗比我食呀

食完就熨衫   但熨咗 3 件睡裙就唔熨   因為想冒汗   咁留番星期六先熨 ~

睇 Youtube 又聽下歌   今晚 11 點先瞓 ~