咖哩薯仔雞下髀 + 豆腐蝦仁蒸雞蛋 + 菜心 ( 22-JUN-2026 )

( 22-JUN-2026  MON )

尋晚瞓得唔好   所以瞓多 10 分鐘先起身   里奧大人問鬧鐘係咪響過 ?!   因為見我唔起身   我話真係響過呀   哈哈 ~

佢問我點解要遲啲起身 ?!   我話手痛瞓得唔好   佢話尋晚幫我按得唔夠   我話唔關事呢 ~

今朝真係狀態不佳   里奧大人去買早餐先   咁我摸下個袋   原來無帶電話   又要上番屋企拎   之後里奧大人唔見我就打比我   以為我去廁所呀 ~

食完要抖下先番工   好在今朝車程好快   感恩感恩 ~

菇場忙下停下   咁就好喇 ~

Lunch Time 蒸完飯就去韓印紅買椰菜   之後再去 A1 買麵包   買完再去一田行下先番菇場開餐喇 ~

講開食糭   船頭話上次煎咗牛扒同埋整咗薯仔做晚餐   佢老公食完個幾鐘就沖出房   話好餓要落街買嘢食   船頭話好誇張啦   因為塊牛扒唔係細塊   之後蒸隻糭比佢老公食囉   所以依家叫啲糭做救命糭   哈哈 ~

仍然忙下停下   所以好快放工 ~

放工即走   今晚只係蒸嘢同淥菜   所以好快搞掂 ~

里奧大人 6 點 45 分先番到屋企

是日晚餐 - 咖哩薯仔雞下髀 + 豆腐蝦仁蒸雞蛋 + 菜心

咖哩薯仔雞下髀 - 尋晚整定   今晚翻熱就食得   我覺得田師傅乾咖哩即煮醬料唔係咁辣   但里奧大人話辣喎 ~

豆腐蝦仁蒸雞蛋 - 豆腐今日到期   咁就煮呢個餸喇 ~

菜心 - 今晚都食埋去 lu   好在份量唔多咋 ~

洗埋碗抖陣就做機   見到仲有位就叫埋里奧大人一齊做 lu ~

開埋機洗衫就沖涼   抖陣就熨睡衣 底衫褲同床單   里奧大人就熨褲同外套   因為我隻手仲有啲痛   一定熨得唔靚呀 ~

 

打下機又睇下 Youtube   一望個鐘已經係 11 點 10 分   係時候瞓覺喇 ~