富田和食亭 @ 佐敦

最鍾意星期六   因為只係番半日

但里奧大人要開 ot   所以我求其同里奧大人去佢公司對面茶餐廳食 lunch 就算   呢間咁茶餐廳   每人最低消費 $9   真係估唔到 up up dup dup 嘅茶餐廳都有最低消費咁串呀 

食完里奧大人就番公司   我就同媽咪去飲茶   傾下計咁囉   之後媽咪去婆婆屋企   我就再陪家姐去大家樂食 tea   不過我無食   因為食唔落   等埋家姐食完就一齊上媽咪屋企陪朱朱喇

我坐到 5 點幾走 join 里奧大人探奶奶同平仔   奶奶拆喉可以食嘢同說話   平仔可以自己企身行去洗手間   真係好開心   感謝神嘅保守同恩典 

咁開心喇喎   所以同里奧大人食壽司   去佐敦富田    第一次去   味道唔錯   最驚喜係滙豐卡有 9 折嘛 

食親壽司都好口渴   所以番到屋企附近嘅麥記食美祿麥旋風 (好似係咁叫)   但好甜   同埋 "北" 起好似 poo poo 咁   好核突   所以食咗 1 / 3 唔想食   比里奧大人食算喇 

   

      

今朝 10 點半起身   所以又係無番教會

同里奧大人去食早餐   之後去超市買新鮮林肉 ($15) + 香蕉 ($4)   再去街市買 6 個木瓜 ($20) + 4 個節瓜 ($5) + 2 條苦瓜就番屋企喇 

難得有太陽   所以就洗衫   拖地   再搞 le 搞 lu 又無咗個幾鐘   所以星期日 d 時間係過得好快呢