xo 醬魚片炒米粉 + 蕃茄薯仔大眼雞魚湯

突然好想食自己煮嘅住家飯   又唔想比人串串共話成日煮水餃福字麵   所以就算幾攰都堅持去街市買大眼雞魚 ($32) + 蕃茄薯仔 ($8) + 芹蒜 ($6) + 魚片 ($4) + 米粉 ($10) 番屋企整晚餐  

里奧大人探奶奶   所以有時間熨埋衫先 ready 晚餐

是日晚餐 - xo醬魚片炒米粉 + 蕃茄薯仔魚湯
xo醬魚片炒米粉 - 魚片切條   芹蒜切粒   加 xo 醬同豉油同將所有材料同米粉炒勻上碟 因為太小 xo 醬   所以無咩味   要點余均益辣椒醬啊 

蕃茄薯仔魚湯 - 可能條大眼雞大條   所以 d 湯超級清甜呀

洗哂所有嘢就沖涼喇   因為想乾乾淨淨舒舒服服睇電視嘛 


 

      

今朝電話響不停呀   原來打8 號風球 (北冕)   所以呢   5 點幾 3 姑奶打黎話 8 號風球   6 點幾家姐打黎   7 點幾大姑奶同奶奶打黎   8 點幾媽咪打黎   個個驚我番工   不過唔講我真係會番工架喎

老喇   所以 10 點就同里奧大人起身一齊食早餐呢   落到街又唔多似打風咁   但屋企樓下棵樹斷咗喎   所以個風都幾強勁下   打風基本上唔會有好多食肆開架喇   除咗連鎖店   所以諗都唔諗就去大家樂喇   超多人呀   里奧大人話一路排隊等   cashier 就一路除早餐牌   無咩選擇   所以無可奈何食咗魚柳腸 + 奶茶 里奧大人就魚柳蛋 + 奶茶   因為好多食物已售罄   只係得魚柳   所以差唔多全個大家樂 d 人都食魚柳呢 

之後同里奧大人去百佳買水餃就番屋企喇   估唔到又唔多人行喎

難得有假期   所以順便拖地清潔洗手間喇   因為唔想到頂唔順先大清潔囉 


雖然要做家務   但唔駛番工呢個 bonus 令到我做都做得開心過人呀