苦瓜菜甫炒蛋 + 水餃福字麵 + 愛心紅蘿蔔湯

因為我嘅堅持   所以就煮咗呢餐我覺得簡單而好味嘅懶人晚餐喇 
是日懶餐 : 苦瓜菜甫炒蛋 + 水餃福字麵 + 愛心紅蘿蔔湯
苦瓜菜甫炒蛋  - 苦瓜係淨餘物資   d 蛋就過期嘅 (7/8 到期   不過無臭)   都唔知 d 雞蛋其實可以留幾耐嘅   但聞到無臭就照煮喇   大拿拿 4 隻蛋喎   今時唔同往日   真係咩都唔可以浪費呀   呢個餸都幾煩    因為苦瓜要出水   又要切條   菜甫又要切粒   不過點都好過出去食味道嘢嘅
水餃福字麵 - 簡單而里奧大人又鍾意食   所以我都好樂意煮嘅   希望無人 yiyiyoyo 又話我啦 
愛心紅蘿蔔湯 - 係里奧大人 3 家姐星期一叫工人煲嘅   但因為太夜無飲   所以留番   好好味呀   唔知係咪太耐無飲湯呢
尋晚好有 mood 睇家好月圓   點知睇兩 part 都係陳法拉   仲要不斷播 "分分鐘需要你"   真係聽到有 d 驚   同埋覺得好悶呀
  
                           

今朝食餐蛋治烘底走牛油要熟蛋 + 熱奶茶 ($16)   我覺得飲奶茶精神過飲咖啡   因為之前飲咖啡好似仲攰咁   所以都係飲奶茶好 d 

番到菇場又忙忙地   幸好我可以一心二用呢
晏晝同里奧大人食麥記   明知無益都要食呀   因為有 coupon 呀   買 1 個餐送漢堡包   用 $5 可以買粟米 (大)   總數 $31.3 咋   咁平係邊到搵呢   雖然明知無益   但一次半次無所謂啦

發