元綠壽司 ( 5-AUG-2008 )

尋日唔係咁舒服   所以番到屋企附近睇醫生   好在里奧大人特登早啲放工陪我食飯   如果唔係我又唔知等幾耐喇 ~ 想食壽司   所以揀咗元綠壽司   因為好近屋企嘛 ~  唔知係咪因為放榜關係   所以好似好多人咁   平時唔駛等位   但今次都等咗 20 分鐘先有位 ~ 呢次食嘅嘢都差唔多   但今次想講就係佢啲牛油粟米勁鹹   我咁熱愛粟米都唔可以食埋餘下嘅 1/3 呢   因為實在鹹到頂唔順呀   埋單 $150   因為用元綠 Visa Card   所以有 Discount ~ 番到屋企好攰   咩都唔想做   所以睇下 "家好月圓"   唔知會唔會越嚟越好睇呢 ~  今朝 1 號風球   唔知會唔會改 8 號呢   係就好喇   因為好想放假呀 ~ 早餐食奶油多 + 奶茶 ($13)   突然覺得塊多士乾爭爭好難食呢 ~ 晏晝同里奧大人去食粉麵   我食墨丸米    里奧大人食炸醬麵   但覺得啲豬肉好酸好乸喉   所以換咗牛腩撈麵    個師傅一路淥一路 "依依哦哦 " 咁   不過我就聽唔到佢講咩   如果比我知佢講咩   我實會拉里奧大人走呀   好巴閉咩 ~  出面好大風   但又唔大雨   咁唔知打唔打得成呢 ~